1. Չարլի Հանեմ
Անգլիացի դերասանը կինոյում նկարահանվում է ավելի քան 20 տարի: Առավել հայտնի է «Մտերիմ ընկերներ» բրիտանական հեռուստասերիալում Նաթան Մելոնի և «Անարխիայի զավակներ» հեռուստասերիալում Ջեքսոն Թեյլորի դերերով, ինչպես նաև ռեժիսոր Գիլյերմո Դել Տորոյի «Խաղաղօվկիանոսյան սահման» ֆիլմում՝ Ռայլի Բեքեթի, «Խուլիգանները» ֆիլմում՝ Փիթ Դանեմի, ու «Արքա Արթուրի սուրը» ֆիլմում՝ Արքա Արթուրի դերերով:
2. Բենեդիքթ Քամբերբեչ
Բրիտանական թատրոնի, կինոյի և հեռուստատեսության դերասանն առավել հայտնի է Շերլոք Հոլմսի դերով BBC մեդիա կորպորացիայի «Շերլոք» սերիալում, Հան Նուեն Սինքհի դերով՝ «Աստղային ճանապարհ. խավարում» ֆանտաստիկ ֆիլմում և Ջուլիան Ասանժի դերով՝ «Հինգերորդ իշխանությունը» կենսագրական թրիլլերում: 2015 թվականին տեղի է ունեցել «Համլետի» պրեմիերան Լոնդոնի արքայական թատրոնում, որտեղ դերասանը կատարել է գլխավոր դերը: Քամբերբեչի տաղանդը բարձր է գնահատել Մեծ Բրիտանիայի թագուհին, և դերասանը նույն 2015 թվականին ստացել է Բրիտանական Կայսրության շքանշանի կոմանդորի կոչում:
3. Հյու Գրանտ
Բրիտանացի դերասանը հիմնականում նկարահանվում է կատակերգություններում և մելոդրամաներում: Դերասանը հայտնի է իր սրտակերի ամպլուայով՝ ինչպես կյանքում, այնպես էլ՝ կինոյում: Նրա մասնակցությամբ հայտնի ֆիլմերից են «Չորս հարսանիք և մեկ թաղում», «Բանականությունը և զգացմունքը», «Նոթինգ Հիլլ», «Բրիջիթ Ջոնսի օրագիր» և «Իրական սեր» ֆիլմերը:
4. Թոմ Հարդի
Ծանոթացեք, բրիտանական կայսրության շքանշանի ևս մեկ կոմանդոր: Նա նաև դարձել է գեղեցկության մրցույթի հաղթող, եղել է բազմաթիվ թատերական և կինոմրցանակների նոմինանտ և դափնեկիր: Սկսել է նկարահանվել 2001 թվականից: Առավել հայտնի է դարձել՝ խաղալով «Ռոքնռոլա», «Սկիզբ», «44 երեխա» ֆիլմերում: 2013 թվականին խաղացել է «Սուր հովհարներ» սերիալում, իսկ 2015-ին՝ «Լեգենդ» ֆիլմում: Հարդին հակում է ունեցել է ալկոհոլի և թմրանյութերի նկատմամբ, սակայն դրանցից ազատվել է 2003 թվականին:
5. Ջուդ Լոու
Անգլիացի աշխարհահռչակ դերասանն առավել հայտնի է դաձել՝ նկարահանվելով «Տաղանդավոր միսթր Ռիփլին» ֆիլմում (1999թ. արժանացել է BAFTA մրցանակին), ինչպես նաև «Ցուրտ լեռը» (2003 թվականին առաջադրվել է «Օսկարի» և «Ոսկե գլոբուսի»), «Մոտիկություն», «Շերլոք Հոլմս», «Թշնամին դարպասի մոտ», «Ավիատոր», «Արձակուրդ փոխանակումով», «Գրանդ Բուդապեշտ հյուրանոց» և այլ ֆիլմերում:
6. Դենիել Քրեյգ
Սկսելով կարիերան կինոյում՝ Դենիել Քրեյգը դժվար թե մտածեր, որ երբևէ մարմնավորելու է ամենակուլտային գործակալին՝ Ջեյմս Բոնդին: Սկզբում նա կատարում էր փոքրիկ դերեր, և միայն 33 տարեկանում հաջողությունը նրան իսկապես ժպտաց. միջազգային մասշտաբով հանրությունը Ջեմյս Բոնդի ապագա դերասանի հետ ծանոթացավ «Լարա Քրոֆթ. դամբարաններ թալանողը» ֆիլմում:
Ավելի ուշ Քրեյգը նկարահանվեց մի շարք ակնառու ֆիլմերում, որոնցից էր Սեմ Մենդեսի օսկարակիր «Անիծված ճանապարհ» գանգստերական դրաման: Քրեյգը դերասանուհի Գվինեթ Փելթրոուի հետ նկարահանվել է բանաստեղծուհի Սիլվիա Փլաթի մասին կենսագրական «Սիլվիա» ֆիլմում, ինչպես նաև Սթիվեն Սփիլբերգի՝ մեծ աղմուկ բարձրացրած «Մյունխեն» քաղաքական թրիլլերում, որտեղ դերասանը մարմնավորել է Մոսադի գործակալի:
Պատրաստեց Անի Գաբուզյանը
168․am
