Ամերիկացի ռեփեր Քանյե Ուեսթին հեռացրել են Instagram-ից` Թրևոր Նոյի հասցեին ռասիստական արտահայտություններ օգտագործելու համար՝ այս մասին հայտնում է The Guardian-ը։
Քանյե Ուեսթի և Թրևոր Նոայի միջև բախում է տեղի ունեցել այն բանից հետո, երբ վերջինս քննադատել է երաժշտին նախկին կնոջ՝ Քիմ Քարդաշյանի հետ հարաբերությունների շարունակման փորձի համար՝ չնայած ամուսնալուծության ավարտին։ Նոյը ռեփերի պահվածքն անվանել է «ոտնձգություն»։
Ուեսթը պատասխանել է՝ «Կումբայա» հայտնի ավետարանական երգի արտահայտությունով՝ «կուն բայա, իմ Աստված», որն օգտագործվում է ոմանց կողմից՝ նկարագրելու սևամորթ մարդուն, ով չի գնահատում իր մշակույթն ու էթնիկ պատկանելությունը:
Instagram-ի ադմինիստրացիան համարել է, որ նման բառապաշարը խախտում է հավելվածից օգտվելու կանոնները, և մեկ օրով արգելափակել է Քանյե Ուեսթի հաշիվը։
2021 թվականի փետրվարին Քիմ Քարդաշյանը ամուսնալուծության հայց է ներկայացրել ռեփեր Քանյե Ուեսթին։ Պաշտոնապես դատական գործընթացն ավարտվել է մարտի 2-ին։
