Forbes-ը հրապարակել է 10 ամենաբարձր վարձատրվող հայտնիների անունները: Բոլոր թվերը ներկայացնում են 2022 թվականից ի վեր եկամուտները:
Եվ, այսպես․
10. Bad Bunny – 88 մլն դոլար
Երգչի եկամուտների մեծ մասը ստացվել է երկու հյուրախաղերից՝ El Último Tour Del Mundo և The World’s Hotest Tour: Նա հայտնվել է նաև «Փամփուշտից արագ» ֆիլմում։
9. Թեյլոր Սվիֆթ – 92 մլն դոլար
Երգչուհու գումարը հիմնականում գոյացել է ձայնասկավառակի վաճառքից, թվային ներբեռնումներից, հոսքային ծառայություններից և այլն:
8. Ջեյմս Քեմերոն – 95 մլն դոլար
Ռեժիսորի եկամուտների հիմնական մասը գոյացել է «Ավատար. Ջրի ուղին» ֆիլմի դրամարկղային հաջողությունից։
7. Rolling Stones – 98 մլն դոլար
Կուլտային խումբն իր գումարի մեծ մասը ստացել է շրջագայությունից և ձայնասկավառակների վաճառքից:
6. Բրեդ Փիթ – 100 մլն դոլար
Դերասանի «Plan B» պրոդյուսերական ընկերության բաժնետոմսերի մեծամասնության վաճառքը նրան հսկայական գումար է բերել, ինչպես նաև դերերը «Փամփուշտից արագ», «Բաբելոն» և «Կորուսյալ քաղաքը» ֆիլմերում:
5. Ջեյմս Լ. Բրուկս և Մեթ Գրեյնինգ – 105 մլն դոլար
«Սիմփսոնների» ստեղծողներն իրենց ամբողջ կատալոգը տեղափոխեցին Disney+, ինչի արդյունքում մեծ վճարումներ ունեցան:
4. Թրեյ Փարքեր և Մեթ Սթոուն – 160 մլն դոլար
South Park-ի ստեղծողները գործարք կնքեցին Paramount-ի հետ, և այն դարձավ եկամտի հսկայական աղբյուր։
3. Թայլեր Փերի – 175 մլն դոլար
Դերասանը վաստակում է տարբեր նախագծեր արտադրելով։
2. Սթինգ – 210 մլն դոլար
Երաժիշտն իր ամբողջ երաժշտական կատալոգը վաճառել է Universal Music Group-ին հսկայական գումարով։
1. Genesis – 230 մլն դոլար
Ռոք խումբը գլխավորել է այս ցուցակը 2022 թվականի աշնանը Concord Music Group-ին իրենց կատալոգը 300 մլն դոլարով վաճառելու շնորհիվ։
