Արքայազն Հարին իր «Պահեստայինը» հուշագրությունում պնդում է, որ իր ծնունդը պահեստային տարբերակ է այն դեպքում, եթե ինչ-որ բան պատահի արքայազն Ուիլյամին։
Սասեքսի դուքսն իր հուշերում գրել է, որ ինքը մեծացել է՝ իմանալով, որ իր գոյության նպատակն է օրգաններ նվիրաբերել ավագ եղբորը, եթե դրա կարիքը լինի:
«Ես լույս աշխարհ եմ եկել նրա համար, որ եթե ինչ-որ բան պատահի Վիլլիին, որպես դոնոր ծառայեմ»,- գրել է նա` վստահեցնելով, որ իր ծնողները, տատիկն ու պապիկը նույնիսկ իրեն ու իր եղբորն անվանել են ժառանգ և պահեստային՝ «կրճատումների» դեպքում։
Նա նկարագրել է իր կյանքը որպես «առաքելություն՝ անհրաժեշտության դեպքում որպես պահեստային մաս ծառայելու համար», օրինակ՝ երիկամ, արյան փոխներարկում կամ ոսկրածուծ ավագ եղբորը տրամադրելու համար:
Հարին նաև պատմել է, որ գաղափարը` գոյություն ունենալ միայն նրա համար, որ եթե Ուիլյամին ինչ-որ բան պատահի, «օգնության հասնել» նրան, նրա համար պարզ է եղել դեռ վաղ մանկուց և «կանոնավորապես ամրապնդվել» է ամբողջ կյանքի ընթացքում:
Ավելի վաղ հաղորդել էինք, որ արքայազն Հարիի հուշագրությունը դարձել է Մեծ Բրիտանիայի պատմության մեջ ամենաարագ վաճառվող ոչ գեղարվեստական գիրքը:
