Սեպտեմբերի 20-ին անցյալ դարի սեքս-խորհրդանիշ Սոֆի Լորենը դարձել է 88 տարեկան, և այս առիթով եկեք վերհիշենք դերասանուհու խոսքերը կյանքի, կանանց, գեղեցկության և այլնի մասին՝
Հավատա՛ ինքդ քեզ
«Ոչինչ ավելի գեղեցիկ չի դարձնում կնոջը, որքան հավատը, որ նա գեղեցիկ է: Կինը, որը հաստատապես վստահ է իր գեղեցկության հարցում, ի վերջո կկարողանա դրանում համոզել բոլորին»:
Անհատականություն
«Ենթադրվում է, որ դեմքի թերությունները պետք է թաքցնել: Բայց ինչ ասել է թերություն: Շատ հաճախ թաքցնելու փոխարեն անհրաժեշտ է ընդգծել արտասովոր դիմագծերը:
Գաղտնի զենք
«Տղամարդու երևակայությունը կնոջ լավագույն զենքն է»։
Ընտրողականություն
«Տղամարդիկ նկատում են խելացի կանանց, գեղեցիկներին՝ առանձնացնում ամբոխից, և միայն հմայիչներին չեն մոռանում»:
Կատարյալ տղամարդիկ
«Տղամարդը, որը մարմնավորում է բոլոր լավագույն հատկանիշերը, իսկական պատիժ է»:
Ապրած օրը
«Ես երախտապարտ եմ ճակատագրին իմ ապրած ամեն օրվա և ինձ համար անընդհատ ինչ-որ նոր բան բացահայտելու հնարավորության համար: Եթե քեզ բախտ է վիճակվել մանկան հոգին պահել ներսումդ, ապա կյանքումդ լավագույնը դեռ առջևում է»:
Գեղեցկությունը
«Չկա ոչինչ գեղեցիկ բոլոր կողմերից»։
Ծուլության հաղթահարումը
«Դժվար է անդիմադրելի լինել, եթե ծույլ ես»։
Սանրվածքի նշանակությունը
«Սանրվածքն ազդում է օրվա ընթացքի և, ի վերջո, կյանքի վրա»:
Կանացի արցունքներ
«Չեն կարող գեղեցիկ լինել այն աչքերը, որոնք երբեք չեն արտասվել»:
«Ո՛չ» ասելու կարողություն
«Ես կարող եմ ասել «ոչ» 12 լեզվով: Կնոջ համար դա բավական է»:
Հավերժական էնտուզիազմ
«Երբ ընկերներս հիշեցնում են, որ ես արդեն 60 տարեկան եմ, չեմ կարողանում հավատալ: Ինձ թվում է, որ դեռ 12 տարեկան եմ: Ես երևի մնացել եմ մանկությունում ու բաց աչքերով եմ նայում աշխարհին։ Ինձ, ինչպես նախկինում, հետաքրքրում է կյանքը»:
Կանանց զգեստապահարանի գործառույթը
«Կնոջ զգեստը, ինչպես փշալարերով պատված ցանկապատը, պետք է ծառայի իր նպատակին՝ չփակելով տեսադաշտը»։
Պայքար հանուն գեղեցկության
«Գեղեցկության համար արժե պայքարել»։
Եվ, վերջում
«Այն ամենի համար, ինչ տեսնում եք, ես պարտական եմ սպագետտիին»․․․
