«Ի՞նչ է քո անունը»: Հարցն ամենևին էլ անլուրջ չէ, այլ գիտական։ Նույնիսկ հին ժամանակներում մարդիկ վստահ էին, որ ծննդյան ժամանակ տրված անունը կարող է մեծապես ազդել ճակատագրի վրա: Elle.ru-ն ներկայացնում է ակադեմիկոս Բորիս Խիգիրի կատարած բացահայտումները, ով ավելի քան 30 տարի է նվիրել անվան ֆենոմենի ուսումնասիրությանը։
Աննա
Անհավանական արտիստիկ, բարի, վստահող, անշահախնդիր, հմայիչ, կանացի և համակերպվող: Եթե Աննայի սիրելիներից մեկին վիշտ, հիվանդություն կամ տխրություն է պատահել, ավելի լավ մխիթարող և կարեկցող սիրտ չկա: Նա ապրում է ոչ միայն իր, այլև ուրիշների խնդիրներով, փորձառություններով ու հոգսերով։ «Գթասրտության քույր», ոչ այլ կերպ:
Մեկ այլ տարբերակիչ առանձնահատկություն. նա գիտի, թե ինչպես պահել գաղտնիքները: Նա ունի բնական պատասխանատվության զգացում: Աննայի առանձնահատկությունների թվում է բարձր զարգացած ինտուիցիան: Նույնիսկ դժվարին իրավիճակում այս անվան տերերը կարող են վստահել իրենց «վեցերորդ զգայարանին» և չեն պարտվի։
Ելենա
Այս անվան տերերն իրենց հոր կերպարի կրնօրինակն են: Ուստի այս կնոջն ավելի լավ ճանաչելու համար արժե ծանոթանալ նրա հորը։ Նրանք զգացմունքային են, թեև արտաքնապես հաճախ բավականին փակ և ամաչկոտ անհատականությունների տպավորություն են թողնում։ Դա պայմանավորված է նրանով, որ Ելենան հակված է ընկղմվել սեփական փորձառությունների աշխարհում: Այնուամենայնիվ, դա չի խանգարում նրան օգտագործել ուրիշներին այնպես, ինչպես ցանկանում է՝ սեփական նպատակներին հասնելու համար: Նրանք տարված են աշխատանքով, ինչը ենթադրում է մշտական շփում այլ մարդկանց հետ։
Համաշխարհային պատմության մեջ, ըստ երևույթին, պատահական չէր, որ ծագեց Ելենա Գեղեցիկի առասպելը։ Նրանք իսկապես սովոր են շրջապատել իրենց գեղեցկությամբ, պաշտում են նորաձևությունն ու նկարչությունը:
Քրիստինա
Հաճախ արտաքուստ շատ նման է իր հորը, բայց կերպարը, որպես կանոն, ժառանգում է մորից: Արագ մտածող, անկանխատեսելի: Նա ամուր կանգնած է գետնին և ժամանակ չի վատնում անհեթեթության ու անիմաստ ձեռնարկումների վրա։ Նա ամեն ինչ ունի:
Բավական հեշտությամբ անհրաժեշտ ծանոթություններ է հաստատում, բայց, այնուամենայնիվ, նախընտրում է ընկերների նեղ շրջանակի ընկերակցությունը։
Մարիա
Բարեհոգի և մեղմ, այնուամենայնիվ, նա կարող է պաշտպանել իրեն: Խորամանկ, բայց միևնույն ժամանակ աներևակայելի հոգատար։ Մարիան մեծահոգաբար կիսում է ջերմությունն ու ուշադրությունը։
Նրա կյանքի տեմպերը չափված են, նա զուսպ է ու անշտապ, կշռադատում է իր ամեն արարքն ու քայլը։ Ցանկացած անհաջողություն, չնայած վրդովեցնում է, բայց չի ոչնչացնում նրան. նա շարունակում է առաջ շարժվել: Ու թեև նրա համար դժվար չի լինի մասնագիտական բարձունքների հասնելը, օրինակ՝ բժշկության կամ ադմինիստրատիվ աշխատանքում, ամենից շատ նրան դուր է գալիս տնային տնտեսուհու և հյուրընկալ տանտիրուհու դերը։
Պատրաստեց Անի Գաբուզյանը
168.am
