Քիմ Քարդաշյանն ու Փիթ Դևիդսոնը 9-ամսյա սիրավեպից հետո հայտարարել են բաժանվելու մասին։
CNN-ը, հղում անելով իր աղբյուրին, հաստատել է աստղերի ռոմանտիկ հարաբերությունների ավարտի մասին տեղեկությունը։ «Այս շաբաթ նրանք բարեկամաբար բաժանվեցին՝ աշխատանքային զբաղվածության և հաճախակի ճանապարհորդությունների պատճառով: Բայց նրանք ցանկանում են ընկերներ մնալ»,- ասել է Քարդաշյանին մոտ աղբյուրը։
Page Six-ն էլ, հղում անելով իր աղբյուրներին, ենթադրել է, որ բաժանման պատճառը տարիքային զգալի տարբերությունն է. Դևիդսոնը 28 տարեկան է, իսկ Քարդաշյանը՝ 41։
Քիմի և Փիթի միջև ռոմանտիկ հարաբերությունները սկսվել են 2021 թվականի հոկտեմբերին՝ Saturday Night Live կատակերգական շոուի նկարահանման հրապարակում: Աստղերը հրապարակավ հաստատել են իրենց սիրավեպը 2022 թվականի մարտին։
