1. Ժաննա Մորո
Նկարահանվել է լավագույն ռեժիսորների՝ Անտոնիոնիի, Բունյուելի, Տրյուֆոյի, Ֆասբինդերի, Բեսոնի և այլոց մոտ: Արժանացել է Կաննի, Վենետիկի, Բեռլինի և Մոսկվայի կինոփառատոների մրցանակներին: 1947 թվականին ընդգրկվել է Կոմեդի Ֆրանսեզի թատերախմբում՝ դառնալով լեգենդար թատրոնի պատմության ամենաերիտասարդ դերասանուհին:
2. Կատրին Դենյով
Ֆրանսիական կինոյի թագուհին նկարահանվել է 163 ֆիլմերում: Հանրահռչակ է դարձել «Շերբուրյան հովանոցներ» ֆիլմի՝ Կաննում կայացած տրիումֆից հետո:
3. Բրիջիդ Բարդո
Աշխարհահռչակ է դարձել Ռոժե Վադիմի «Եվ Աստված ստեղծեց կնոջը» ֆիլմում կատարած դերից հետո: Նախորդ դարի կեսերին համարվում էր եվրոպական սեքս խորհրդանիշ՝ ֆրանսիական Մերիլին Մոնրո: Վերջին 30 տարիներին ակտիվորեն զբաղվել է կենդանիների պաշտպանությամբ:
4. Ռոմի Շնայդեր
Ավստրիական, գերմանական և ֆրանսական կինոյի աստղը վաղ պատանեկության տարիներին նկարահանվել է ավստրիական մելոդրամաներում, որոնք էլ նրան աշխարհահռչակ դարձրին: Ֆրանսիայում ձեռք է բերել լուրջ դրամատիկ դերասանուհու կարգավիճակ:
5. Իզաբել Աջանի
Ֆրանսիացի դերասանուհի և պրոդյուսեր Իզաբել Աջանին հանդիսատեսին հայտնի է «Մագո թագուհին», «Ապրողը» և «Կամիլ Կլոդել» ֆիլմերից: «Սեզար» կինոմրցանակի հնգակի դափնեկիր է:
6. Իզաբել Հյուպեր
Արժանացել է բազմաթիվ մրցանակների և պարգևների, նկարահանվել է ավելի քան 100 կինոնկարներում և հեռուստատեսային բեմադրություններում: Աշխատանքները, որոնց մասին առավել հաճախ գրել են կինոքննադատները, «Տիկին Բովարի» և «Դաշնակահարուհին» ֆիլմերում կատարած դերերն են:
7. Ժուլյետ Բինոշ
Արժանացել է «Օսկարի» 1997թ. «Երկրորդ պլանի լավագույն դերասանուհի» անվանակարգում՝ «Անգլիական պացիենտ» ֆիլմում կատարած դերի համար: Վաղ աշխատանքներից ամենանշանակալիցը «Կենցաղի անտանելի հեշտությունը» ֆիլմում կատարած դերն է: Հանդիսատեսին հայտնի է «Անգլիական պացիենտ», «Շոկոլադ» և «Երեք գույն. կապույտ» ֆիլմերից:
8. Սոֆի Մարսո
Նրա հայրը վարորդ է եղել, իսկ մայրը՝ վաճառողուհի: Նա համաշխարհային կինոյի աստղ է: Խաղացել է 35-ից ավելի ֆիլմերում: Հանրահայտ է դարձել դեռ պատանի տարիքից «Բում» ֆիլմում (1980թ.) կատարած դերից հետո: Այսօր նա արդեն 55 տարեկան է, բայց շարունակում է ակտիվորեն նկարահանվել կինոյում, երգում է, նկարում է և պաշտում է ռուս գրականությունը:
9. Օդրի Տոտու
Մեծ ճանաչում է ձեռք բերել «Ամելի» ֆիլմից հետո, որը նկարահանվել է 2001 թվականին: Հանդիսատեսին հայտնի է նաև «Դա Վինչիի ծածկագիրը», «Կոկո դե Շանել» և «Քնքշություն» ֆիլմերից:
10. Մարիոն Կոտիյար
2007 թվականին դարձել է «Օսկար» մրցանակի դափնեկիր «Լավագույն դերասանուհի» անվանակարգում՝ «Կյանքը՝ վարդագույնով» ֆիլմում Էդիթ Պիաֆին մարմնավորելու համար: Նույն դերի համար նա արժանացել է նաև «Ոսկե գլոբուսի»:
Պատրաստեց Անի Գաբուզյանը
168․am
