Բաղադրիչներ
1. Սալոր – 1 կգ
2. Մաղադանոս – 1/2 փունջ
3. Ռեհան – 1/2 փունջ
4. Սխտոր – 7 պճեղ
5. Թարմ կծու կարմիր պղպեղ
6. Խմելի-սունելի – 1 ճ/գ
7. Աղ
8. Շաքարավազ
Պատրաստման եղանակը
1. Սալորները լվանալ, հեռացնել կորիզները, վրան լցնել աղ և շաքարավազ (մոտ 1 թ/գ աղ և մի փոքր ավելի շաքարավազ): Դնել կրակի վրա, խառնելով եփել 7 րոպե:
2. Ավելացնել կծու պղպեղը և խմելի-սունելին:
3. Նորից դնել կրակի վրա, շարունակել եփել: Այդ ընթացքում կտրատել կանաչիները: Ավելացնել սոուսին:
4. Սոուսը թողնել կրակի վրա և խառնելով եփել ևս 10 րոպե: Վերջում ավելացնել ճզմած սխտորը:
5. Ընկղմվող բլենդերի օգնությամբ սոուսը դարձնել միասեռ: Դնել կրակին, եռացնել ևս 4 րոպե և լցնել ստերիլիզացված բանկաների մեջ: Բանկաները փակել, շրջել, փաթաթել կտորով և թողնել, որ սառչի:
6. Սալորից պատրաստված սոուսը պատրաստ է:
Պատրաստեց Անի Գաբուզյանը
168.am
