Կայացել է Moto G Stylus 5G սմարթֆոնի շնորհանդեսը՝ էլեկտրոնային գրչի աջակցությամբ։
Motorola-ն ներկայացրել է Moto G Stylus 5G սմարթֆոնի երրորդ սերունդը։ Այն կլինի առաջիններից մեկը, որը կստանա Qualcomm Snapdragon 6 Gen 1 չիպսեթ, հայտնում է GSM Arena պորտալը։
Նորույթի հիմնական առանձնահատկություններից մեկը կլինի ստիլուսի աջակցությունը, որը տեղակայվելու է լիցքավորման պորտի կողքը գտնվող բնիկում։ Moto G Stylus 5G-ը (2023) կստանա 6,6 դյույմանոց LCD էկրան՝ 120 Հց էկրանի թարմացման արագությամբ: Նրան կցված է 16 մեգապիքսելանոց փոքրիկ դիմային տեսախցիկ։ Հիմնական տեսախցիկը ներկայացված է 50 մեգապիքսել և 8 մեգապիքսել երկու սենսորներով:
Սմարթֆոնը ստացել է 5000 մԱ/ժ մարտկոց՝ 20 Վտ լիցքավորմամբ։ Գաջեթը համալրված է ստերեո բարձրախոսներով, ականջակալների ստանդարտ խցիկով և microSD բնիկով:
Նորույթը ներկայացված է երկու գույնով՝ «տիեզերական սև» և «վարդագույն շամպայն»։ 6 ԳԲ օպերատիվ և 256 ԳԲ ներքին հիշողություն ունեցող տարբերակը ԱՄՆ-ում կարժենա 399 դոլար:
