Դիզայներ Avdan-ը ներկայացրել է Windows 12-ի կոնցեպտը։
YouTube-ի Avdan ալիքի դիզայները հրապարակել է Windows 12-ի կոնցեպտուալ թարմացման թրեյլերը։ Այդ մասին հայտնում է Neowin պորտալը։
Դիզայները որոշել է բարելավել Windows 11-ի առկա հնարավորությունները և տեսքը։ Նա կարծում է, որ Windows 12-ը կունենա ավելի դինամիկ վիջեթի տարածք՝ նվագարկիչով, բաժնետոմսերով, օրացույցով և եղանակով: Առաջադրանքների տողի մյուս կողմում առաջարկվում է ցույց տալ ծանուցումները:
Կոնցեպտը նաև վերանայում է արագ կարգավորումների բաժինը՝ հիմնական շեշտը դնելով սյունակների օգտագործման վրա: Օրինակ՝ առաջարկվում է արագ կարգավորումների ցանկը բացելուց անմիջապես հետո ցուցադրել Bluetooth սարքերը և հասանելի Wi-Fi ցանցերը՝ առանց լրացուցիչ գործողություններ կատարելու անհրաժեշտության։
Բացի այդ, դիզայները հորինել է անսովոր հարմարվող պաստառ, որի տարրերը տեղաշարժվում են այնպես, որ չհամնկնեն, երբ վիջեթները տեղադրվում են աշխատասեղանի վրա։
Avdan-ը նաև առաջարկում է բազմաբնույթ առաջադրանքների այլընտրանքային մոտեցում՝ առանձնացնելով երկու հավելված նույն պատուհանում և խմբավորելով ֆայլերը հավաքածուների մեջ՝ File Explorer-ում:
