PremierMedica-ի սննդաբան-էնդոկրինոլոգ Ելենա Շչետինինան Ura.ru-ին տված հարցազրույցում զգուշացրել է, որ կարմիր մսի հաճախակի օգտագործումը կարող է մահացու լինել առողջության համար։ Նա բացատրել է, որ աղիներում ուռուցքի առաջացումը կանխելու համար մսի հետ պետք է բանջարեղեն ուտել։
«Ուսումնասիրություններ են արվել, որ եթե մարդը մեծ քանակությամբ կարմիր միս է օգտագործում, ապա աղիներում օնկոպրոցեսների զարգացման հավանականությունը մեծանում է։ Ուստի մեր սննդակարգը պետք է լինի հավասարակշռված և բաղկացած լինի ոչ միայն մսից»,- ասել է բժշկուհին:
Բացի միս ուտելու հաճախականությունից, բժիշկը հորդորել է ուշադրություն դարձնել մթերքի այն չափաբաժիններին, որոնք մարդն օգտագործում է։
Նա նշել է, որ մսի հետ մեծ քանակությամբ կենդանական ճարպեր ուտելը զգալիորեն բարձրացնում է խոլեստերինի մակարդակը, ինչն էլ իր հերթին հանգեցնում է աթերոսկլերոտիկ հիվանդությունների զարգացմանը։
Պատրաստեց Անի Գաբուզյանը
168.am
