Բացահայտվել է Գայ Ռիչիի «Ջենթլմենները» («The Gentlemen») սերիալի գլխավոր դերասանական կազմը, որը հեռարձակվելու է Netflix սթրիմինգային ծառայությամբ, հայտնում է Variety-ն։
Սերիալում գլխավոր դերակատար Թեո Ջեյմսին միանում են Կայա Սկոդելարիոն, Դենիել Ինգսը, Ջոելի Ռիչարդսոնը, Ջանկառլո Էսպոզիտոն, Պիտեր Սերաֆինովիչը և Վիննի Ջոնսը:
Շոուն տեղի է ունենում նույն աշխարհում, ինչ «Ջենթլմենները» ֆիլմը։ Արտադրությունը կսկսվի Մեծ Բրիտանիայում, նոյեմբերի 7-ին:
«Ջենթլմենների աշխարհն իմ մի մասնիկն է: Ես ոգևորված եմ, որ Netflix-ի, Miramax-ի և Moonage-ի հետ մենք հնարավորություն ունենք այն վերաբնակեցնելու հերոսներով: Մենք անհամբեր սպասում ենք, որպեսզի երկրպագուներին վերադարձնենք այդ աշխարհ՝ ներկայացնելով նոր կերպարներ և նրանց պատմությունները, և ես շատ ոգևորված եմ դա անել այս չափազանց տաղանդավոր դերասանական կազմով»,- ասել է Ռիչին:
