Եթե այս աշնանը դուք ևս մեկ անգամ երդվել եք, որ վերջապես կկորցնեք մի քանի կիլոգրամ, մենք ձեզ կասենք, թե ինչպես միայն մեկ մթերքը կօգնի ձեզ հաջողությամբ հաղթահարել առաջադրանքը:
Աշունն այն շրջանն է, երբ մեր օրգանիզմը սկսում է աշխատել բոլորովին այլ կանոններով, քան ձմռանն ու ամռանը։ Հենց այս պատճառով մեզնից շատերը, ցուրտ եղանակի գալուստով, սկսում են արագորեն կիլոգրամներ հավաքել եւ դժվարությամբ են վերահսկում այդ գործընթացը:
Խիստ սահմանափակումներով դիետայի անցնելը տարբերակ չէ, քանի որ այս սեզոնին մենք արդեն մեծ սթրեսի մեջ ենք։ Բարեբախտաբար, կան կախարդական մթերքներ, որոնք կատարյալ են աշնանը սահուն քաշ կորցնելու համար, եւ դրանք նաեւ բավականին լավ համ ունեն։
Սննդաբանները բոլորին, ովքեր ցանկանում են այս սեզոնին բաժանվել ավելորդ կիլոգրամներից, խորհուրդ են տալիս սննդակարգում ավելացնել թթու կաղամբը։ Այն պարունակում է մեծ քանակությամբ վիտամիններ, պեկտին, սպիտակուց, բջջանյութ, եւ այս մթերքը ասկորբինաթթվի պարունակությամբ նույնիսկ գերազանցում է կիտրոնին։
Ինչու է թթու կաղամբն իդեալական քաշ կորցնելու համար: Սպիտակ կաղամբը սովորաբար կոչվում է բացասական կալորիականությամբ մթերք, քանի որ մարմինն ավելի շատ էներգիա է ծախսում դրա մարսողության վրա, քան մենք ստանում ենք այն ուտելու ընթացքում:
Բացի այդ, թթու կաղամբը շատ համեղ է եւ 100 գրամում պարունակում է ընդամենը 19 կկալ։ Այն նաեւ հարուստ է տարտրոնաթթվով, որը խանգարում է պարզ ածխաջրերի վերածումը ճարպի։ Իհարկե, պետք չէ ծայրահեղությունների մեջ մտնել ու ուտել միայն կաղամբ։ Ավելի լավ է պարզապես սովորական ընթրիքը փոխարինել դրանով։
Միաժամանակ խանութներում վաճառվող թթու կաղամբը կարող է հարմար չլինել, քանի որ արտադրողները հաճախ այն պատրաստում են մեծ քանակությամբ աղով, շաքարով եւ այլ ոչ այնքան առողջարար բաղադրիչներով։ Լավագույն տարբերակը տանը պատրաստածն է։ Այս կերպ այն էլ ավելի համեղ կստացվի, եւ դուք լիովին վստահ կլինեք դրա բաղադրության մեջ։
