1. Բադից պատրաստված կոնֆի-հարավ-արևմուտք
Բադի կոնֆին Ֆրանսիայի հարավարևմտյան շրջանի ֆիրմային ուտեստն է: Բադի միսը պատրաստվում է 2 ժամվա ընթացքում, 75-85 աստիճան ջերմաստիճանում:
2. Գալեթ-Բրետան
Որքան էլ զարմանալի թվա, գալեթն ավելի հին պատմություն ունի, քան նրբաբլիթը: Այն ստեղծվել է Բրետոնում, որտեղ շատ դժվար է ցորեն աճեցնել և շատ ավելի հեշտ է աճեցնել հնդկաձավար: Հետագայում հնդկաձավարին ավելացրել են մի փոքր շաքար և ալյուր: Այդպես ստացվում է շատ համեղ գալեթ, որը կարելի է փորձել Ֆրանսիայում մասնագիտացված սրճարաններում:
3. Շուկրուտ-Էլզաս
Շուկրուրտը էլզասյան խոհանոցի ավանդական ուտեստ է, որը ստացվում է կաղամբի բնական ֆերմենտացիայի միջոցով: Շուկրուտը մատուցվում է որպես խավարտ մսի և ձկան հետ, ինչպես նաև գարեջրի և էլզասյան սպիտակ գինու հետ:
4. Ֆուա գրա-Ֆրանսիա
Ֆուա գրան, թերևս, ֆրանսիական ամենապոպուլյար ուտեստն է ամբողջ աշխարհում: Ֆուա գրան հանդիսանում է Ֆրանսիայի մշակութային և գաստրոնոմիկ սեփականությունը:
5. Էսկարգո կամ բուրգունդյան խխունջներ-Բուրգունդիա
Էսկարգոն բուրգունդյան խոհանոցի, ինչպես նաև ամբողջ ֆրանսիական գաստրոնոմիայի ավանդական ուտեստն է: Բուրգունդյան խխունջները սուրբծննդյան ընթրիքի և յուրաքանչյուր տոնի պարտադիր ուտեստն է:
6. Սոխով ապուր-Ֆրանսիա
Ֆրանսիական սոխով ապուրը հայտնի է եղել դեռևս Հռոմեական Կայսրության ժամանակ: Այն ժամանակ դա եղել է աղքատների կերակուր, քանի որ սոխը շատ հեշտ է եղել աճեցնել:
7. Ռակլետ-Սավոյա
Ֆրանսիայի և Շվեյցարիայի ֆիրմային ուտեստի՝ ռակլետի անվանումը վերաբերում է և ուտեստին, և պանրին: Ավանդաբար այդ ուտեստը կարելի է նկարագրել որպես հալած պանիր՝ կարտոֆիլով, կորնիշոնով և մարինացված սոխով:
8. Տավարի միս բուրգունդյան ձևով-Բուրգունդիա
Սա տավարի միս է՝ շոգեխաշված կարմիր գինու և մսի արգանակի մեջ: Ավելացվում է նաև գազար, սոխ, սխտոր, համեմունքներ, ինչպես նաև սունկ և բեկոն:
9. Ապխտած բադի կրծքամիս-հարավ-արևմուտք
Այն, ընդհանուր առմամբ, շատ պոպուլյար է ամբողջ Ֆրանսիայում: Մատուցվում է կարմիր գինու հետ:
10. Բույաբես-Պրովանս
Ավանդական ձկնապուր Մարսելից:
Պատրաստեց Անի Գաբուզյանը
168.am
