Apple-ը հայտարարել է iPhone-ի, Mac-ի և Apple Watch-ի՝ հաշմանդամություն ունեցող օգտատերերի համար նոր գործառույթների մասին: Նոր ռեժիմները ներառում են iPhone-ի տեսախցիկի դռների հայտնաբերում, Face Time զանգերի փակ ենթագրեր և այլ թարմացումներ: Ակնկալվում է, որ այս տարի գործառույթները հասանելի կդառնան օգտատերերի համար։
Պաշտոնական բլոգում Apple-ը խոսել է հետևյալ հատկանիշների մասին.
Տեսողության խնդիրներ ունեցող օգտվողները կկարողանան օգտագործել iPhone-ի կամ iPad-ի տեսախցիկը դռները ճանաչելու համար: Նշվում է, որ ֆունկցիան ոչ միայն որոշում է դռան առկայությունը, այլև հայտնում է դրա հեռավորությունը, ասում է՝ այն փա՞կ է, թե՞ բաց, և արդյո՞ք կարելի է բացել հրումով։ Եթե դռան կողպեք չկա, սարքը կհայտնի կողպեքի տեսակը՝ սովորական բռնակ, բանալի կամ այլ տեսակներ: Նաև գործառույթը կարող է կարդալ դռան կողքին գտնվող սիմվոլները՝ մակագրություններ, տան համարներ, նշաններ և պատկերներ: Դռների ճանաչումը համատեղում է iPhone տեսախցիկի, LiDAR սենսորի և մեքենայական ուսուցման ալգորիթմների հզորությունը: Ֆունկցիան կդառնա ներկառուցված Խոշորացույց հավելվածի մի մասը։
Սահմանափակ շարժունակություն ունեցող օգտատերերը կկարողանան կառավարել իրենց Apple Watch-ը iPhone-ի միջոցով: Այս հարցում կօգնի Apple Watch Mirroring ֆունկցիան։ Երբ միացված է, ժամացույցի էկրանը կկրկնօրինակվի սմարթֆոնի վրա: Բացի այդ, Apple-ը կթարմացնի հատուկ ժեստերի քանակը՝ կրկնակի սեղմել ձեռքը զանգին պատասխանելու, զանգը մերժելու, պահել, դադարեցնել մեդիա նվագարկումը կամ սկսել մարզվելը։
Face Time զանգերում կհայտնվեն ենթագրեր, որոնք կօգնեն լսողության խնդիրներ ունեցող օգտատիրոջը էկրանից կարդալ զրուցակցի ասածները: Գործառույթը հասանելի է iPhone-ի, iPad-ի և Mac-ի համար: Մամլո հաղորդագրության մեջ Apple-ը նշել է, որ համակարգն ինքն է ճանաչում խոսքը, այն փոխակերպում է տեքստի և ցուցադրում սարքի էկրանին։ Խմբային զանգերի ժամանակ ֆունկցիան նշում է, թե մասնակիցներից ով է ասում արտահայտությունը: Ընկերությունը շեշտում է, որ զանգերի և տեքստերի բոլոր մանիպուլյացիաները տեղի են ունենում տեղական մակարդակում, և ոչինչ չի ուղարկվում Apple-ի սերվերներին։
Այլ թարմացումներ.
VoiceOver սարքի կառավարման գործառույթը կստանա 20 նոր լեզուների աջակցություն, իսկ «Narrator» գործառույթը կհամալրվի 10 նոր ձայնով։
Խոսքի խանգարումներ ունեցող օգտատերերը կկարողանան կարգավորել, թե որքան ժամանակ է Siri-ն սպասում պատասխանելուց առաջ
Ուղղագրության կարգավորումներում հնարավոր կլինի ավելացնել ձեր սեփական բառերն ու ուղղագրությունները՝ օգտագործելով ձեր ձայնը։
Շրջակա միջավայրի ձայնի ճանաչման ռեժիմը կկարողանա հայտնաբերել ահազանգը, դռան զանգը և էլեկտրական սարքերի ձայները:
Սիրարփի Աղաբաբյան
168․am
