Գերմանական Mercedes մեքենաշինական ընկերությունը ներկայացրել է սահմանափակ քանակությամբ արտադրվելիք Maybach S680 մոդելը, որը ստեղծվել է վերջերս կյանքից հեռացած հայտնի դիզայներ Վիրջիլ Աբրոյի հետ համագործակցության շրջանակում:
Լյուքս դասի փոխադրամիջոցը Project Maybach արտասովոր կոնցեպտի շարունակությունն է, գրում է luxurylaunches.com-ը:
Ինչ վերաբերում է տեխնիկական բնութագրին, ապա մեքենան համալրված է 6.0 լ աշխատանքային ծավալով, 604 ձիաուժ հզորությամբ V12 շարժիչով, որը մինչև 100 կմ/ժ արագություն է զարգացնում 4.5 վայրկյանում:
Մեքենան կարտադրվի 39 օրինակով ու կվաճառվի միայն ԱՄՆ-ում:
