Երբ մենք փորձում ենք հիշել կարևոր գյուտերի հեղինակների անունները, հազվադեպ է պատահում, որ մեր հիշողության մեջ կանանց անուններ հայտնվեն: Իրականում սա մեծ անարդարություն է, քանի որ կանայք բավականին օգտակար բացահայտումներ են արել, պարզապես, չգիտես ինչու, նրանց մասին քիչ է խոսվում։
Որոշեցինք անդրադառնալ նրանց, ովքեր մեր կյանքը մի փոքր ավելի հեշտ և ավելի լավն են դարձրել․
Ավտոմեքենայի տաքացուցիչ – Մարգարեթ Ուիլքոքս
Ուիլքոքսի ժամանակ ինժեներ-մեխանիկ մասնագիտությունը հազվադեպ էր, և նման աշխատանք ունեցող կինը տարօրինակ էր ընկալվում: Ամեն անգամ, երբ տաքանում եք ձեր մեքենայում ձմռան ցուրտ երեկոներին, հիշեք այս գյուտարարին: Մարգարեթը զբաղվում էր կյանքի բարելավման համար նախատեսված նախագծերով։ 1983 թվականին նա ստեղծեց ավտոմեքենայի առաջին տաքացուցիչն աշխարհում:
Սպասք լվացող մեքենա – Ժոզեֆին Քոքրեյն
Ժոզեֆին Քոքրեյնը երազում էր ունենալ այնպիսի մեքենա, որը կարող էր ավելի արագ և նրբորեն լվանալ սպասքը, քան մարդը: Ուստի նա որոշեց սարք ստեղծել։ Ժոզեֆինը հանրայնացրեց իր գյուտը 1886 թվականին և բացեց իր սեփական գործարանը:
Անտեսանելի օպտիկական ապակի – Քեթրին Բեր Բլոջեթ
Բլոջեթը շնորհալի մաթեմատիկոս և ֆիզիկոս էր: 1938 թվականին գյուտարարն արտոնագիր ստացավ, որը թույլ էր տալիս արտադրել չարտացոլող անտեսանելի ապակի։ Այսպես են հայտնվել ոսպնյակները, որոնք լույս են փոխանցում՝ առանց անդրադարձման կորստի։ Լայնորեն կիրառվում են ակնոցների, աստղադիտակների, մանրադիտակների, լուսանկարչական ոսպնյակների համար։
Հրդեհային արտաքին սանդուղք – Աննա Քոնելլի
Մենք քիչ բան գիտենք Աննա Քոնելիի կյանքի մասին, սակայն նրա գյուտը` հրդեհային արտաքին կամուրջը, շատերի կյանքն է փրկել։ Աննան այս մեթոդը մտածել է 1887 թվականին, և այն այժմ շատ խոշոր քաղաքներում հրդեհային անվտանգության կարևոր մասն է:
Երկաթ՝ մազերը գանգրացնելու համար – Թեորա Սթիվենս
Թեորա Սթիվենսն աշխատել է որպես վարսահարդար։ 1980 թվականին նա հայտնագործել է հատուկ երկաթ, որի օգնությամբ հնարավոր է գանգրացնել մազերը:
Փրկարարական նավակ – Մարիա Բիսլի
Մարիա Բիսլին ստեղծեց փրկարար լաստանավ, որը շատ ավելի անվտանգ էր և ավելի լավ, քան նախկինում եղածները: Նրա գյուտը ստեղծվել է 1882 թվականին։ Ավելի ուշ Մարիա Բիսլին ստեղծեց նաև տակառ պատրաստող մեքենա, որը նրան հարստություն բերեց։
Կենտրոնական ջեռուցում – Էլիս Փարքեր
1919 թվականին Էլիս Փարքերը մշակել է գազի կենտրոնացված ջեռուցման համակարգ։ Եվ չնայած նրա նախագծին համապատասխան ոչինչ չի կառուցվել, գաղափարը հեղափոխական էր, և հետագայում նա ոգեշնչեց ժամանակակից կենտրոնական ջեռուցման համակարգերի ստեղծողներին:
Թղթե փաթեթ – Մարգարետ Նայթ
1867 թվականին Մարգարեթ Նայթն աշխատում էր թղթե տոպրակների գործարանում, որտեղ նա նկատեց, որ կանայք պետք է ձեռքով սոսնձեն թուղթը, որպեսզի փաթեթը հարթ հատակ ունենա: Դա անհարմար էր և ժամանակատար, ուստի Մարգարեթը որոշեց այդ նպատակով մեքենա մշակել: Գյուտը ստեղծվել է 1879 թվականին։
Համակարգչային ալգորիթմ – Ադա Լավլեյս
Լորդ Բայրոնի դուստրը՝ Ադա Քինգ-Նոելը, փայլուն մաթեմատիկոս էր։Կոմսուհի Լավլեյսը և Չարլզ Բեբիջը միասին աշխատել են վերլուծող սարքի ստեղծման ուղղությամբ:
Նա գտավ մեքենան ծրագրավորելու միջոց՝ օգտագործելով մաթեմատիկական ալգորիթմներ: Այսինքն՝ նա է ստեղծել առաջին «համակարգչային ծրագիրը»։
Միանգամյա օգտագործման տակդիրներ – Մարիոն Դոնովան
1946 թվականին Մարիոն Դոնովանն օգտագործեց լոգարանի սովորական վարագույրն անջրանցիկ տակդիրի ծածկոց պատրաստելու համար։ Նա ստեղծեց իր գյուտը 1949 թվականին, այնուհետև այն վաճառեց Keko Corporation-ին՝ 1,000,000 դոլարով:
