Հայտնի վերլուծաբան Մինգ-Չի Կուոն նոր կանխատեսումներ է արել Apple-ի ծալվող էկրանով առաջին սարքի թողարկման մասին: Նրա տվյալներով՝ նման նորույթը շուկայում կհայտնվի 2025-ից ոչ շուտ, թեև մինչ այդ նա թողարկման տարի էր հայտարարել 2024-ը։
Այս կանխատեսմամբ Կուոն հաստատեց մեկ այլ վերլուծաբանի և ինսայդերի՝ Ռոս Յանգի խոսքերը, որն արդեն գրել էր, որ Apple-ը չի շտապում մտնել ծալվող գաջեթների շուկա, բայց ակնհայտորեն աշխատում է այդ ուղղությամբ։
Անցյալ տարվա իր հաշվետվություններում Մինգ-Չի Կուոն գրել էր, որ Apple-ը պատրաստում է Galaxy Flip տիպի սմարթֆոն, այսինքն՝ կոմպակտ կաղապար։ Այժմ նա հայտնում է, որ iPhone-ի և iPad-ի հիբրիդային թողարկումը շատ ավելի հավանական է, այն Galaxy Fold-ի անալոգն է։
Apple-ը մշակում է միջին, մեծ և փոքր ծալվող արտադրանք և փորձարկում մոտ 9 դյույմանոց ծալովի OLED էկրաններ, հավելել է Կուոն։
Ըստ The Elec-ի՝ LG-ն կդառնա ճկուն պանելների հիմնական մատակարարը։ Ընկերությունն արդեն աշխատում է Apple-ի համար մեկ այլ հիբրիդային լուծման վրա՝ գերբարակ ապակիներով պլանշետների և նոթբուքերի՝ OLED էկրանի։
Դրա օգտագործման տարբերակներից է առանց ֆիզիկական ստեղնաշարի նոութբուքը, որտեղ պատյանի երկու կեսերն էլ հագեցած են սենսորային դիսփլեյներով։ Ճիշտ է, նման նորույթին ավելի երկար սպասել կպահանջվի՝ մինչև 2026 կամ 2027 թվականը։
