Բաղադրիչներ
12 բուլկիների համար
1. Տաք կաթ – 350 մլ
2. Կարագ – 80 գ
3. Ձու – 2 հատ
4. Չոր դրոժ – 7 գ
5. Մարցիպան – 50 գ
6. Չամիչ, սև սալորի չիր, ծիրանը չիր – 100 գ
7. Ալյուր – 2 բաժակ
8. Շաքարավազ – 2 ճ/գ
9. Աղ – 1 պտղունց
10. Աղացած դարչին, մշկընկույզ, կոճապղպեղ, մեխակ – 1/4-ական թ/գ
Զարդարելու համար
1. Ալյուր – 75 գ
2. Ջուր – 6 ճ/գ
Օշարակի համար
1. Կաթ – 8 ճ/գ
2. Շաքարավազ – 4 ճ/գ
Պատրաստման եղանակը
1. Պատրաստել խմորը: Ալյուրը խառնել փափուկ կարագի հետ, ձեռքով տրորել: Ավելացնել դրոժը, համեմունքները, շաքարավազը, աղը և խառնել: Ձվերը հարել կաթի հետ: Խառնուրդը լցնել թասի մեջ, ալյուրի և դրոժի հետ խառնել և խմոր հունցել: Խմորը ծածկել և 1 ժամ դնել տաք տեղում:
2. Չրերը լվանալ, ծիրանը և սև սալորը կտրատել:
3. Մարցիպանը կտրատել, թավալել ալյուրի մեջ և խառնել չրերի հետ:
4. Խմորը բաժանել 12 մասերի և մի փոքր գրտնակել: Յուրաքանչյուրի վրա տեղադրել մեկ չափաբաժին միջուկ և կլոր բուլկիներ ձևավորել:
5. Տապակը պատել պերգամենտով, վրան կարագ քսել: Բուլկիները շարել տապակին:
6. Բուլկիները ծածկել սրբիչով և թողնել 30 րոպե:
7. Դանակի բութ մասով բուլկիների վրա խաչաձև կտրվածք անել:
8. Ալյուրը խառնել ջրի հետ: Ստացված խմորով լցնել խաչաձև կտրվածքները:
9. Թխել 180 աստիճան տաքացրած ջեռոցում մոտ 25 րոպե:
10. Թխելուց հետո բուլկիները սառեցնել և վրան կաթնային օշարակ քսել:
Պատրաստեց Անի Գաբուզյանը
168.am
