Ամերիկացի սննդաբան Լորեն Մանակերը հրաժարվել է սուրճից և հինգ այլ մթերք է գտել, որոնք օգնում են իրեն պահպանել սթափությունն ու առույգությունը: Այս մասին նա հայտնել է CNBC-ի հետ զրույցում:
Չորս տարի առաջ Մանակերը ավտովթարի է ենթարկվել: Ուղեղի ցնցման հետևանքների դեմ պայքարելու համար, կինը բժշկի խորհրդով դադարել է սուրճ ըմպել: Առանց սիրելի ըմպելիքի ապրելը դժվար էր, սակայն վերջինս գտել է դրա փոխարիչները:
Այդ իսկ պատճառով սննդաբանն առավոտյան ըմպում է տաք կաթի խառնուրդ կոճապղպեղի, քրքումի և թխկենու օշարակի հետ, որին ավելացվում է մի պտղունց սև պղպեղ: Յուրքանչյուր բաղադրիչ իր դերն ունի: Կաթը հարուստ է սպիտակուցով, որն անհրաժեշտ է օրգանիզմին առավոտյան, օշարակը փոխարինում է շաքարին, իսկ քրքումը հակաօքսիդանտներ է պարունակում:
Շաբաթը երկու անգամ մասնագետն օգտագործում է տավարի միս, որը երկաթի կարևորագույն աղբյուր է, ինչի պակասը կարող է հանգեցնել հոգնածության:
Երեկոյան սննդակարգը բաղկացած է կիվիից, որը պարունակում է սերոտոնին հորմոնը, որն օգնում է լավ քնել:
Բացի այդ, սննդաբանը խորհուրդ է տալիս շատ ջուր խմել և մակարոնեղեն ուտել:
tert.am
