Բաղադրիչներ
Շերտերի համար՝
1. Խտացրած կաթ – 300 գ
2. Ձու – 3 հատ
3. Աղ – 1 պտղունց
4. Ալյուր – 180 գ
5. Փխրեցուցիչ – 10 գ
6. Կարագ՝ կաղապարի համար
Կրեմի համար՝
1. Սերուցք – 500 գ
2. Խտացրած կաթ – 80 գ
3. Վանիլին – 10 գ
Զարդարելու համար՝
1. Թարմ հատապտուղներ
Պատրաստման եղանակը
1. Խմորը պատրաստելու համար ձուն և մեկ պտղունց աղը լավ հարել 3-4 րոպե: Շարունակելով հարել՝ աստիճանաբար ավելացնել խտացրած կաթը:
2. Ալյուրը խառնել փխրեցուցչի հետ, մաղել և աստիճանաբար ավելացնել ձվային զանգվածին, շարունակել հարել:
3. Ջեռոցը տաքացնել 180 աստիճան: 30×40 կաղապարը պատել յուղաթղթով, վրան կարագ քսել, խմորի կեսը լցնել կաղապարի մեջ, հարթեցնել և թխել 6-7 րոպե: Նույն կերպ թխել նաև երկրորդ շերտը:
4. Պատրաստի շերտերի եզրերը կտրել, հեռացնել պերգամենտը, սառեցնել:
5. Կրեմը պատրաստելու համար հարել սառը սերուցքը և վանիլինը: Բարակ շիթով ավելացնել խտացրած կաթը՝ շարունակելով հարել միջին արագությամբ:
6. Սառելուց հետո շերտերից յուրաքանչյուրը կիսել չորս մասի: Մատուցվող ափսեին մի փոքր կրեմ քսել, որպեսզի տորթը չշարժվի: Հավաքել տորթը՝ յուրաքանչյուր շերտին քսելով 2-3 ճ/գ կրեմ: Վերևի շերտին և կողքերին նույնպես առատ կրեմ քսել: Տորթը 2 ժամ դնել սառնարանը: Զարդարել թարմ հատապտուղներով և մատուցել:
Պատրաստեց Անի Գաբուզյանը
168․am
