Բաղադրիչներ
Խմորի համար՝
1. Ձու – 3 հատ
2. Ալյուր – 130 գ
3. Շաքարավազ – 100 գ
4. Մեղր – 2 ճ/գ
5. Աղ – 1 պտղունց
6. Փխրեցուցիչ – 2 թ/գ
7. Կակաո – 20 գ
8. Վանիլին – 0.5 տուփ
Կրեմի համար՝
1. Կարագ – 150 գ
2. Եփած խտացրած կաթ – 350 գ
Զարդարելու համար՝
1. Մուգ շոկոլադ – 50 գ
Պատրաստման եղանակը
1. Թասի մեջ ձվին ավելացնել 1 պտղունց աղ: Լցնել շաքարավազը և վանիլինը, լավ հարել մոտ 5-7 րոպե: Ավելացնել մեղրը, նորից հարել:
2. Առանձին թասի մեջ խառնել ալյուրը, փխրեցուցիչը և մաղած կակաոն:
3. Ալրային և ձվային զանգվածները խառնել: Պետք է ստացվի չափավոր պինդ թթվասերի խտության խմոր:
4. 34×34 կաղապարը պատել յուղաթղթով, լցնել խմորը, հարթեցնել:
5. Թխել նախապես 180 աստիճան տաքացրած ջեռոցում 15-20 րոպե:
6. Խմորի շերտը սառեցնել, պերգամենտը հեռացնել, բաժանել հավասար 4 մասի, եզրերը կտրել (դրանք պետք են լինելու զարդարելու համար):
7. Փափուկ կարագը հարել 1-2 րոպե: Աստիճանաբար ավելացնել խտացրած կաթը՝ շարունակելով հարելը:
8. Յուրաքանչյուր շերտը լավ պատել կրեմով և իրար վրա շարելով՝ հավաքել տորթը: Տորթի արտաքին շերտին և կողքերին նույնպես կրեմ քսել:
9. Շերտերից հեռացված եզրերը մանրացնել թասի մեջ, ավելացնել քերած շոկոլադ, խառնել և դրանով պատել տորթը: Ամբողջ գիշեր տորթը պահել սառնարանում, մատուցել:
Պատրաստեց Անի Գաբուզյանը
168.am
