Մոնմարտրի ստորոտում նստել ինչ-որ սրճարանում, բռնել սիրելիի ձեռքը և վայելել տաք շոկոլադ. սա, իհարկե, երազանք է: Իսկ նախքան երազանքն իրականություն դարձնելն առաջարկում ենք տանը պատրաստել փարիզյան տաք շոկոլադ:
Բաղադրիչներ
1. Մուգ շոկոլադ (70%) – 70 գ
2. Կաթ – 160 մլ
3. Շագանակագույն շաքարավազ – 1 ճ/գ
Պատրաստման եղանակը
1. Շոկոլադը մանրացնել:
2. Կաթը լցնել սոտեյնիկի մեջ՝ նախապես այն սառը ջրով թրջելուց հետո: Տաքացնել միջին կրակի վրա: Երբ կաթն արդեն տաք լինի, ավելացնել շոկոլադը և սկսել խառնել: Պատրաստել, մինչև շոկոլադը լիովին հալվի:
3. Ավելացնել շաքարավազ, գրեթե հասցնել եռման և մատուցել:
Անի Գաբուզյան
168.am
