ՆԱՍԱ-ն վարձել է քահանաների և աստվածաբանների՝ պարզելու, թե մարդկությունն ինչպես կարձագանքի այլմոլորակային կյանքին։
ԱՄՆ տիեզերական գործակալությունը հավաքագրել է 24 կրոնական խորհրդատուների՝ մարդկությանը պատրաստելու այլմոլորակային քաղաքակրթությունների հետ հանդիպմանը: Դրան նախորդել էր Ջեյմս Ուեբ տիեզերական աստղադիտակի արձակումը, որով հետազոտողներն ակնկալում են այլմոլորակայինների բացահայտում:
Խորհրդատուներին աշխատանքի ընդունելու պատճառ է դարձել այն, որ քրիստոնյաների մեծ մասը համոզված է, որ այլմոլորակային կյանք գոյություն չունի։ Թեև հոգևորականության ոչ բոլոր ներկայացուցիչներն են համաձայն սրա հետ։ 2008 թվականին Վատիկանի աստղադիտարանի ղեկավար և Հռոմի պապի գիտական խորհրդական Խոսե Գաբրիել Ֆյունեսը հայտարարեց, որ հակասություն չկա Աստծո հանդեպ հավատքի և տիեզերքում կյանքի գոյության միջև։
Հիմնվելով աստվածաբանների վրա՝ ՆԱՍԱ-ն նպատակ ունի պարզել, թե մարդիկ ինչպես կարձագանքեն այլմոլորակային կյանքի հայտնաբերմանը: Նրանք ցանկանում են որոշել հայտնագործության ազդեցությունն աստվածների և ստեղծագործության մասին մարդկանց պատկերացումների վրա։
Վարձու մասնագետներից մեկը՝ Քեմբրիջի համալսարանի քահանա և աստվածաբան, դոկտոր Էնդրյու Դևիսոնը, 2022 թվականին կներկայացնի «Աստղաբիոլոգիա և քրիստոնեական վարդապետություն» գիրքը, որը պատմում է Աստծո հնարավորության մասին, որ կյանք է ստեղծում ոչ միայն Երկրի վրա։ Դևիսոնը վստահ է, որ ոչ կրոնական մարդիկ գերագնահատում են այն խնդիրները, որոնց հավատացյալները կբախվեն այլմոլորակային կյանքին հանդիպելուց հետո:
Աստղագետ և Կաթոլիկ համալսարանի ֆիզիկայի պրոֆեսոր Դյուիլիա դե Մելլոն ասում է, որ եթե մարդիկ արարչագործության արդյունք են, ապա Երկրից դուրս կյանքի զարգացմանը հակասող ոչինչ չկա:
Հարավային բապտիստական աստվածաբանական ճեմարանի ղեկավար Ալբերտ Մեհլերը չի ընդունում այլմոլորակային կյանքի հավանականությունը, քանի որ սուրբ գրություններում դրա մասին ոչինչ չի ասվում: Նա ընդգծում է Հիսուսի եզակի դերը երկրի համար։
Ջեյմս Ուեբը մեկ ամսվա ընթացքում կանցնի 1,5 միլիոն կմ տարածություն, մինչև կհասնի Արեգակի հակառակ կողմում գտնվող Լագրանժի երկրորդ կետին։ Աստղադիտակի օգնությամբ լույսի աղբյուրները կհետազոտվեն մինչև 13,5 միլիարդ տարի հեռավորության վրա։ Իր գործունեության առաջին տարում Ուեբը հետազոտում է 59 տրանս-նեպտունյան օբյեկտ: Սարքի ծառայության ժամկետը 5-10 տարի է։ Այս ժամանակի մեկ քառորդն աստղադիտակի միջոցով կուսումնասիրի էկզոմոլորակները:
Սիրարփի Աղաբաբյան
168.am
