Սյուժե
Աստղագետներ Ռանդալը (Լեոնարդո դի Կապրիո) և Քիթը (Ջենիֆեր Լոուրենս) հայտնաբերում են, որ Երկրին մոտենում է հսկա երկնաքար, որը վեց ամսից վայրէջք կկատարի մեր մոլորակի վրա և կկործանի ամեն բան։ Չցանկանալով անգործ նստել՝ գլխավոր հերոսները գնում են «լրատվական շրջագայության»՝ մարդկությանը զգուշացնելու վերահաս վտանգի մասին: Սակայն արդյոք մարդիկ պատրա՞ստ են լուրջ ընկալել մոտալուտ վտանգը…
Հետաքրքիր փաստեր
1. Ֆիլմի ռեժիսորն է օսկարակիր Ադամ Մաքքեյը. նա Օսկար ստացել է «The Big Short» ֆիլմի՝ լավագույն ադապտացված սցենարի համար։ Կինոռեժիսորը լայն ճանաչում է ձեռք բերել «Ant-Man», «The Other Guys», «Step Brothers», «Vice» ֆիլմերի շնորհիվ։
2. Ֆիլմում նկարահանվել են միանգամից մի քանի օսկարակիրներ՝ Լեոնարդո դի Կապրիոն, Ջենիֆեր Լոուրենսը, Քեյթ Բլանշեթը, Մերիլ Սթրիփը։ Բացի այդ, դերասանական կազմում ընդգրկված են նաև Օսկարի երկու թեկնածուներ՝ Թիմոթի Շալամեն և Ջոնա Հիլը, ինչպես նաև հայտնի երաժշտական կատարողներ և Գրեմմի մրցանակի դափնեկիրներ Արիանա Գրանդեն և Սքոթ Մեսկադին, որոնք առավել հայտնի են Քիդ Քադի կեղծանունով։
3. Ֆիլմում գլխավոր դերը խաղացել է Ջենիֆեր Լոուրենսը։ Ֆիլմում դերասանուհին մարմնավորել է տիեզերագնաց Քեյթ Դիբիասկիին։ Ռեժիսորի խոսքով՝ այս դերը գրվել է հատուկ դերասանուհու համար։ Ադամ Մաքքեյին մոտ հինգ ամիս է պահանջվել կերպարը ստեղծելու համար։
4. Ըստ լուրերի՝ ֆիլմում կարող է հայտնվել ամերիկացի աստղաֆիզիկոս, գրող և գիտության հանրահռչակող Նիլ Դեգրաս Թայսոնը։
5. Մարկ Ռայլենսի դերը պետք է կատարեր Քրիս Էվանսը։
6. Սա Մեթյու Փերիի առաջին ֆիլմն է «17 Again» կատակերգության նկարահանումից հետո։
7. Նկարահանումները պետք է սկսվեին 2020 թվականի ապրիլին, սակայն հետաձգվեցին՝ COVID-19 կորոնավիրուսային վարակի համաճարակի պատճառով։ Արդյունքում նկարահանումները սկսվել են 2020 թվականի նոյեմբերի 18-ին Բոստոնում, իսկ ավելի ուշ թիմը ժամանել է Ֆրամինգհեմ (Միդլսեքս շրջան, Մասաչուսեթս, ԱՄՆ):
8. Ջենիֆեր Լոուրենսի հետ նկարահանումների ժամանակ դժբախտ պատահար է տեղի ունեցել. Դա տեղի է ունեցել պայթյունի վայրում։ Ապակու բեկորը հարվածել է դերասանուհու հենց աչքին, որից հետո նրան տեղափոխել են հիվանդանոց։
9. Սկզբում սև կատակերգությունը պետք է արտադրեր Paramount Pictures-ը, սակայն հետագայում տարածման իրավունքը ձեռք բերեց Netflix-ը։
10. Բյուջեն կազմել է մոտ 75 մլն դոլար։
vnews.am
