Meta անունը կենտրոնանում է մետատիեզերքի կառուցման վրա։
Մարկ Ցուկերբերգը Meta նոր ապրանքանիշի շնորհանդեսի ժամանակ ցուցադրել է հետաքրքիր գաղափար՝ Codec avatars, գրում է The Verge-ը։
Սրանք օգտատերերի իրատեսական 3D մոդելներ են, որոնք, ըստ հայեցակարգի, պետք է իրական ժամանակում կրկնեն բոլոր շարժումները։
Գաղափարն այն է, որ թույլ տան մարդկանց ստեղծել իրենց անհատական թվային տարբերակները, որպեսզի նրանք կարողանան մասնակցել միջոցառումներին կամ գնալ աշխատանքի: Ավատարները հավանաբար կկառավարվեն վիրտուալ իրականության ակնոցներով և գոյություն կունենան մետատիեզերքում:
Նման Codec-ի ավատար ստեղծելու համար ձեզ հարկավոր է շատ հզոր հատուկ տեխնիկա՝ առաջադեմ շարժիչներով: Տեխնոլոգիան «դեռ հետաքննության փուլում է», ասել են ընկերությունում:
Նշվում է, որ համակարգը մարդկանց հնարավորություն կտա իրական կյանքում շփվել օբյեկտների հետ, մինչդեռ փոփոխությունները կարտացոլվեն վիրտուալ աշխարհում։ Ավատարները կկարողանան փոխել իրենց սանրվածքն ու հագուստը։ Ինչպես նշել են Meta-ում, հնարավոր կլինի թենիս կամ շախմատ խաղալ այն խաղացողների հետ, ովքեր ֆիզիկապես ներկա չեն:
Իրական ժամանակում շարժումները կարդալու համար ընկերությունը պատրաստվում է օգտագործել էլեկտրամիոգրաֆիա կամ ԷՄԳ, ինչը կօգնի՝ այն ազդանշանները, որոնք ուղեղն ուղարկում է, օրինակ, ձեռքին, վերածել համակարգչային հրամանների, գրում է The Verge-ը։
Facebook Tech-ի իր պաշտոնական էջում ընկերությունը ցուցադրել է հատուկ «տեսախցիկ», որը թույլ է տալիս իրական ժամանակում ստեղծել 3D ավատարներ։ Meta-ն չի նշել շուկայում տեխնոլոգիայի հայտնվելու ժամկետները։
Ավելի վաղ հաղորդվում էր, որ Facebook-ի հիմնադիր Մարկ Ցուկերբերգը հայտարարել է ընկերության անվանափոխության մասին։ Facebook-ի նոր անունը հենց Meta է։ Այս մասին Մարկ Ցուկերբերգն ասել է ամենամյա Connect immersive տեխնոլոգիական համաժողովի ժամանակ։ Այն տեղի է ունեցել հոկտեմբերի 28-ին։
Սիրարփի Աղաբաբյան
168.am
