Սալտիսոն պատրաստելու համար անհրաժեշտ է՝
1. Հավի միս (կրծքամիս, զադր) – 2 կգ
2. Աղ, սև հատիկավոր պղպեղ
3. Համեմունքներ, սխտոր
4. Ժելատին – 35 գ
5. Դափնու տերև
Պատրաստման եղանակը
1. Անհրաժեշտ են երկու տարբեր չափերի կաթսաներ: Հավը լվանալ, կտրատել, փոքր կաթսայի մեջ շարել հավի միսը, ավելացնել դափնու տերևը, սև հատիկավոր պղպեղը, աղ ցանել, մսի կտորների վրա ժելատին շաղ տալ: Ավելի մեծ կաթսայի մեջ լցնել ջուր՝ կաթսայի 3/4-ի չափով:
2. Ջրով կաթսան դնել կրակի վրա, դրա մեջ տեղավորել հավի մսով կաթսան: Ջուրը հասցնել եռման և կրակը ցածրացնել: Շոգեխաշել հավը 3-4 ժամ:
3. Պատրաստի հավը մի փոքր սառեցնել: Միսն առանձնացնել ոսկորից, կտրատել: Կաղապարի մեջ խիտ շարել մսի կտորները:
4. Հյութը, որն առաջացել է միսը շոգեխաշելիս, շատ չէ, բայց բավարար է, որպեսզի ամբողջությամբ ծածկի կտրատված մսի կտորները: Ստացված հեղուկը քամել և լցնել մսի վրա:
5. Հավի սալտիսոնն ամբողջությամբ սառեցնել, հետո դնել սառնարանը: Կտրատել և մատուցել:
Պատրաստեց Անի Գաբուզյանը
168.am
