Երկար ժամանակ քաղաքական և աշխարհագրական պատճառներով Ճապոնիան մեկուսացված էր արտիքին աշխարհից, ինչն էլ այս երկիրը չափազանց ունիկալ է դարձրել: Բացի այդ, մի շարք բնական աղետները, որոնք հաճախ են տեղի ունենում այստեղ, յուրահատուկ ազդեցություն են թողել բնության հանդեպ ճապոնացիների վերաբերմունքի վրա: Ճապոնացի ժողովուրդը հիանում է բնության գեղեցկությամբ և ձգտում է հասնել վերջինիս հետ ներդաշնակության: Այսօր էլ, ինչպես դարեր առաջ ճապոնական իմաստության հիմնաքարը ներդաշանկաությունն է, զսպվածությունն ու նուրբ ճաշակը:
Ճապոնական իմաստությունը ժողովրդական ասույթներում
Եթե խնդիրը կարելի է լուծել, ապա իմաստ չունի անհանգստանալ դրա մասին, իսկ եթե այն լուծում չունի, ապա անհանգստանալն ուղղակի ապարդյուն է:
Մտածելուց հետո համարձակվիր, իսկ համարձակվելու դեպքում այլևս մի մտածիր:
Մի պահիր նրան, ով գնում է, մի վռնդիր նրան, ով եկել է:
Շատ ավելի լավ է լավ մարդու թշնամին լինել, քան վատի՝ ընկերը:
Նա, ով խմում է չգիտի գինու վնասների մասին, նա, ով չի խմում տեղյակ չէ՝ որքան օգտակար է այն:
Դժբախտությունը, պատռված զգեստի պես, հարկավոր է տանը թողնել:
Ոչ ոք չի սայթաքում անկողնում պառկած:
Մի բարի խոսքը կարող է տաքացնել 3 ձմեռային ամիս:
Ճանապարհդ զիջիր հիմարներին ու խելագարներին:
Արագը դանդաղն է առանց դադարների:
Արևը չի տարբերում ճշմարիտներին, արևը չի տարբերում սխալվածներին: Արևը ծագում է՝ առանց ինչ-որ մեկին տաքացնելու ցանկության: Նա, ով գտել է ինքն իրեն, նման է արևին:
7 անգամ ստուգիր, մինչև ինչ-որ մեկին կասկածելը:
Արա այն ամենը, ինչ կարող ես, իսկ մնացած ամեն ինչ թող ճակատագրին:
Երջանկությունն այցելում է այն տուն, որտեղ ծիծաղում են:
Հաղթանակը նրան է բաժին հասնում, ով հակառակորդից կես ժամ ավելի է դիմանում:
Այն դեմքին, որի վրա ժպիտ կա, նետ չեն արձակում:
Թե կինն ուզենա, անգամ ժայռի միջով կանցնի:
Հասցնելը մի րոպե տևողությամբ ամոթ է, չիմանալը՝ մի կյանք:
Այնտեղ, ուր ուժն է ճիշտ, ճիշտն անկարող է:
Շատ ավելի հեշտ է 10.000 զինվոր գտնել, քան մի գեներալ:
100 տարեկանում հոգին նույնն է, ինչ՝ 3 տարեկանում:
Քիչ է կին և ամուսին լինելը, հարկավոր է նաև ընկերներ և սիրեկաններ դառնալ, որպեսզի հետո չփնտրեք վերջիններին ձեր շուրջը:
Պատահում է, որ տերևը խորտակվի, իսկ քարը լողա:
Ավելորդ իրը ավելորդ հոգս է:
Երախտագիտությունը նույնքան երկար հիշիր, որքան վիրավորանքը:
