1. Իսպանիայի թագավոր Ալֆոնսոն բացարձակապես չուներ երաժշտական լսողություն, դրա համար նրա շրջապատում գոյություն ուներ հատուկ մասնագիտություն՝ հիմնի մասնագետ: Նրա պարտականությունն էր՝ զգուշացնել թագավորին, երբ հնչում էր ազգային հիմնը, քանի որ թագավորն ինքը չէր կարողանում տարբերել հիմնը այլ երաժշտությունից:
2. 1945 թվականին իսպանական Բունիոլ քաղաքում դիմակահանդեսի ժամանակ վիճում են երկու ընկեր: Վեճի ժամանակ նրանք սկսում են իրար հարվածել լոլիկներով: Այդպես ծնվում է իսպանական ամենատարօրինակ տոներից մեկը՝ Տոմատինան:
3. Հանրահայտ «Սպարտակ» բալետի հեղինակ հայ կոմպոզիտոր Արամ Խաչատուրյանը, գտնվելով Իսպանիայում, հրավեր է ստանում Սալվադոր Դալիից: Մեծ սրահում կես ժամ սպասելուց հետո հնչում է «Սպարտակի» հանրահայտ «Սուսերով պարը», վազելով ներս է մտնում Դալին, բարձր պահած սուսերով պարելով շրջան է կատարում և հեռանում է: Ներս է մտնում ծառայապետը և հայտարարում, որ ընդունելությունն ավարտված է:
4. Իսպանական արքայական դինաստիան դարի կեսերին հպարտանում էր իր տոհմի հնությամբ և մաքրությամբ: Համարվում է, որ նրանք երբեք չեն խառնվել մավրերի՝ աֆրիկացիների հետ:
Արքայական տոհմի ներկայացուցիչներն ունեն շատ գունատ մաշկ, որի պատճառով նշմարվում են նրանց երկնագույն արյունատար անոթները: Դրա համար նրանք իրենց հպարտորեն կոչում են սանգրեազուլ՝ երկնագույն արյուն: Այս արտահայտությունը տարածվել է նաև այլ լեզուներում:
5. Իսպանիան միակ երկիրն է Եվրոպայում, որը կեցության կարգավիճակ է տրամադրում ոչ լեգալ միգրատներին, ովքեր ապրել են երկրի տարածքում 3 տարի:
Պատրաստեց Անի Գաբուզյանը
168․am
