Շվեյցարաբնակ քուրդ դերձակ-մոդելավորող Խվենդեկաթ Քելեշը հայտնվել է Գինեսի ռեկորդների գրքում՝ կարելով աշխարհի ամենամեծ տաբատը:
Նշվում է, որ տաբատի երկարությունը կազմում է 70մ, քաշը՝ 700կգ, իսկ կայծակաճարմանդի ընդհանուր երկարությունը՝ 16մ:
Տաբատը նախատեսված է 180մ հասակ ունեցող մարդու համար:
44-ամյա քուրդ դերձակ-մոդելավորողը տաբատը պատրաստել է 8 ամսում: Ընդհանուր առմամբ պատրաստման համար ծախսվել է 4.500 շվեյցարական ֆրանկ (4.900դոլար):
Տաբատի ցուցադրությունից ստացված հասույթը Քելեշը տրամադրելու է շրջակա միջավայրի մաքրության համար գործող հաստատություններին:
Նախորդ ռեկորդը պատկանում էր Պերուից մի դերձակ-մոդելավորողի: 2019թ. նրա պատրաստած ջինսե տաբատի երկարությունը կազմում էր 65.5մ, իսկ լայնությունը՝ 42.6մ:
