Դիորը ստեղծագործել է հեռավոր 50-ականներին, բայց նրա խորհուրդներն ակտուալ են մինչ օրս: Վարպետը փոքրիկ հեղափոխություն կատարեց. ծանր պատերազմական տարիներից հետո նա կանանց վերադարձրեց էլեգանտությունը և ոճ տվեց աշխարհին, որով այն շարունակում է գոյատևել նաև այսօր:
1. Էլեգանտությունը միշտ պարզություն է:
2. Որակը ոճի հիմքն է:
3. Հագնվել կարողանալը հիմնված է 3 կետաձկների վրա՝ պարզություն, լավ ճաշակ և խնամվածություն. և դա նույնիսկ թանկ չէ:
4. Էլեգանտ կինը նա չէ, ով կուրորեն հետևում է նորաձևությանը: Եթե նորությունները Ձեզ չեն սազում, ապա ուշադրություն մի դարձրեք դրանց վրա:
5. Աքսեսուարները մեր ամեն ինչն են: Լավ հագնված կնոջ կերպարում բացառիկ կարևոր դեր են խաղում աքսեսուարները: Նույն հագուստը կրելով տարբեր աքսեսուարներով, Դուք կարող եք հեշտությամբ փոխել կերպարը:
6. Վարդագույնը նուրբ է: Իսկ մոխրագույնը ձանձրալի չէ:
Դիորն ուներ 2 սիրելի գույն՝ վարդագույնը և մոխրագույնը: Եթե վարդագույնն ավելի տոնական է, ապա մոխրագույնը՝ բացարձակապես ունիվերսալ:
7. Ներքնազգեստն ինքնավստահության գրավականն է: Իսկ առանց դրա չի կարելի էլեգանտ լինել: Էլեգանտ պետք է լինի ամեն ինչը: Առավել ևս՝ այն, ինչը չի երևում:
8. Ծաղիկներն Աստծո ամենագեղեցիկ նվերներն են՝ կանանցից հետո: Մեկ ծաղիկ՝ գոտու վրա կամ մերակում, և բոլորի մոտ տոն է:
9. Կոշիկի նկատմամբ չափից ավելի ուշադրություն չի լինում: Շատերը կարծում են, որ կոշիկներն այնքան էլ կարևոր չեն, բայց աղջկա էլեգանտության իսկական ապացույցն այն է, թե ինչ է նա կրում ոտքերին:
10. Եթե Դուք ծուռ ոտքեր ունեք, ապա կրեք շատ խորը և բաց դեկոլտե:
11. Իմ երազանքը կանանց բնությունից փրկելն է: Կանայք առավել հրապուրիչ են 35-40 տարեկանում: Եվ քանի որ կանանցից քչերն են դուրս գալիս 40 տարեկան հասակից, ապա հմայքի գագաթնակետը կարող է հավերժ ձգվել:
12. Օծանելիքը կարող է ավելի շատ բան պատմել կնոջ մասին, քան նրա ձեռագիրը:
13. Դուք երազում եք պարահանդեսային զգեստի մասին, իսկ տղամարդիկ երազում են պարահանդեսային զգեստով կնոջ մասին:
14. Իմ զգեստներն իմ կյանքն են, որով ես ապրում եմ ամեն օր. իր զգացմունքներով, նրբությամբ և ուրախությամբ:
15. Անհատականությունը և էքսցենտրիկությունը տարբեր հասկացություններ են:
Պատրաստեց Անի Գաբուզյանը
168.am
