Առավոտյան արթնանալու իդեալական ժամանակը 06:00-ից 07:30-ն է, ասում է էնդոկրինոլոգ, դիետոլոգ Լարիսա Պոլույանցևան։ Նա gazeta.ru-ի հետ զրույցում նշել է առողջ քնի այլ կանոններ։
Առավոտյան արթնանալը հեշտացնելու համար Պոլույանցևան խորհուրդ է տվել արթնանալուց անմիջապես հետո բացել վարագույրները և թույլ տալ, որ արևի լույսը ներթափանցի ննջարան։
Բժիշկը նշել է, որ քնելու օպտիմալ ժամանակի վերաբերյալ կոնսենսուս չկա. որոշ մասնագետներ խորհուրդ են տալիս միշտ քնել մինչև կեսգիշեր, մյուսները կանոնավորությունն են համարում հիմնական կանոնը, այսինքն՝ միշտ միևնույն ժամանակ քնելու անհրաժեշտությունը։
«Ես կկենտրոնանայի քնի հիգիենայի վրա. համոզվեք, որ ձեր ննջասենյակը մութ է, մթնեցնող վարագույրներ կամ դեմքի դիմակ կա, սենյակի ջերմաստիճանը 18-20 աստիճան Ցելսիուս է, բավարար օդափոխություն և մաքուր օդ կա ներսում»,- խորհուրդ է տվել բժիշկը։
Բացի այդ, Պոլույանցևան ընդգծել է, որ մթության և արշալույսի սկիզբն օրգանիզմում առաջացնում են գործընթացներ, որոնք ազդանշաններ են տալիս քնելու կամ արթնանալու անհրաժեշտության մասին։
