Տատյանա Մուժիցկայան հոգեբան է, բիզնեսի մարզիչ, նեյրոլինգվիստիկ հոգեբանության թրեյներ և գրքերի հեղինակ, որոնք մարդկանց հույս են տալիս, որ ամեն ինչ միշտ կարելի է փոխել, նույնիսկ եթե թվում է, թե տարբերակներ չկան: Եթե չգիտեք, թե ինչպես արդյունավետ և լիարժեք ապրել այս կյանքը, որն է դրա իմաստը և ինչպես զբաղվել այն գործով, որը սիրում եք և լավ գումար վաստակել դրանից, ապա այս հոդվածը ձեզ համար է:
1. Կոչումը կարող է թաքնված լինել մանկության մեջ
Որպեսզի գտնենք այնպիսի գործ, որը կբերի ոչ միայն հաճույք, այլև բարգավաճում՝ եկեք վերադառնանք մանկություն։ Մենք ժամանակի մեքենա չունենք, այնպես որ փորձեք հիշել, թե ինչ էիք ամենաշատը սիրում անել:
Հենց այս զբաղմունք է, որ կարող է դառնալ ողջ կյանքի աշխատանքի հիմքը: Օրինակ, նրանք, ովքեր սիրում են կոնստրուկտորներ հավաքել, կարող են դառնալ լավ ինժեներներ և դիզայներներ: Ո՞րն է եղել ձեր սիրելի մանկական զբաղմունքը:
2. Հետամուտ լինելով ձեր երազանքներին, գնահատեք այն, ինչ արդեն ունեք
Մենք անընդհատ հետապնդում ենք այն, ինչ չունենք, մոռանալով, որ կարող ենք արդեն եղածն օգտագործել որպես վառելիք։ Հավատացեք, շատերը հնարավոր է երազում են գեղեցիկ կազմվածքի մասին, ինչպիսին ձերն է կամ մազերի գույնի մասին: Այնպես որ, երախտապարտ եղեք ձեր ունեցածի համար: Եվ ավելի հաճախ հիշեք ձեր ձեռքբերումները, որպեսզի մոտիվացնեք ձեզ շարունակել ձեր երազանքների ճանապարհը:
3. Սովորեք բաշխել ձեր էներգիան
Լինում են դժվար օրեր, երբ մենք այնքան հոգնած ենք և ուժ չունենք նույնիսկ ձեռքը բարձրացնելու համար։ Բայց եթե անցնում եք այլ զբաղմունքի, կարծես երկրորդ շունչն է բացվում: Դուք սա նկատե՞լ եք։
Բանն այն է, որ օրվա ընթացքում մենք անելիքներ ունենք, որոնք էներգիա են խլում։ Բայց կան նաև էներգիա հաղորդողներ։ Իսկ արդյունավետ մնալու համար դուք պետք է լսեք ինքներդ ձեզ, բացահայտեք երկու տեսակի գործերը և սովորեք հավասարակշռել դրանք: Այսպիսով դուք ոչ միայն կկարողանաք ավելին անել, այլև ողջ օրվա ընթացքում լավ տրամադրություն կունենաք։
4. Առանց կոնկրետության երազանքները չեն իրականանում
Մտածեք, որքա՞ն հաճախ եք ինքներդ ձեզ նախաամանորյա խոստումներ տվել: Իսկ որքա՞ն արագ եք մոռացել դրանց մասին: Ժամանակ վատնելուց խուսափելու համար փորձեք վերջնաժամկետ սահմանել ձեր երազանքի համար և դնել հստակ և հասանելի նպատակ, որին դուք հավատում եք: Օրինակ՝ «Ես ուզում եմ մեկ ամսում նիհարել 5 կիլոգրամ»։ Երբ կա կոնկրետ ժամկետ և իրագործելի նպատակ, երազանքդ անպայման կիրականանա։
5. Ընկերացրեք ձեր մեջի քննադատին և երազողին
Երբ ինչ-որ բան չի ստացվում, մեր ներսում քննադատը արթնանում է ու սկսում նվնվալ, որ ամեն ինչ վատ է։ Նման պահերին պետք է էստաֆետը փոխանցել երազողին, ով կարող է մտածել, թե ինչպես կարելի է լուծել այս իրավիճակը:
Կարևոր է նաև քննադատական մտածողությունը: Գլխավորն այն է, որ թույլ չտաք ձեր ներքին քննադատին երկար կասկածել և կարողանալ ժամանակին միացնել կրեատիվությունը՝ խնդիրը լուծելու համար։
6. Մենք ինքներս ենք ընտրում մեր կյանքի կարգավորումները
Ցանկացած ժամանակակից սմարթֆոն կարելի է հարմարեցվել քեզ՝ ընտրել էկրանի պայծառությունը, հավելվածները, զանգի ձայնը և էկրանապահիչը: Դուք կարող եք ձեր կյանքը կարգավորել նույն ձևով: Մենք ինքներս ենք ընտրում մեր կյանքի աշխատանքը, միջավայրը և ինտենսիվությունը:
Օրինակ, եթե ձեզ դուր չի գալիս պատուհանից դուրս լանդշաֆտը, կարող եք փոխել միջավայրը: Ղեկավարն արդեն հոգնեցրե՞լ է։ Այդ դեպքում ժամանակն է երեկոյան դասընթաց անցնել նոր մասնագիտությամբ և գտնել ձեր ուզած աշխատանքը: Հիշեք, որ բացառապես միայն դուք եք պատասխանատու ձեր կարգավորումների համար:
