Օրգանիզմում երկաթի դեֆիցիտի հիմնական նշաններից մեկը հոգնածության ավելացումն է։ Այս և այլ նշաններ թվարկել է լաբորատորիայի բժիշկ և փորձագետ Եկատերինա Քաշուխը «Իզվեստիա»-ին տված հարցազրույցում։
Նրա խոսքով՝ արթնանալուց անմիջապես հետո կարող ես հոգնածություն զգալ, և նույնիսկ պարզ վարժությունները հսկայական ջանք կպահանջեն։ Առանց բավարար քանակությամբ երկաթի, մաշկը գունատ կդառնա, և մարդը գլխապտույտ և գլխացավեր կունենա, կիսվել է բժիշկը։
Բացի այդ, երկաթի պակասը կարող է փխրունացնել մազերը և եղունգները: Զգուշացնող նշանները ներառում են բերանի անկյուններում ճաքեր և լեզվի ցավոտ վերքեր:
Փորձագետը նշել է, որ երկաթի երկարատև պակասը կարող է խրոնիկ հիվանդությունների զարգացում առաջացնել։ Դրանք ներառում են շնչահեղձություն, սրտի հիվանդությունների զարգացման ռիսկի բարձրացում և իմունիտետի թուլացում: Բացի այդ, երկաթի պակասը բացասաբար է անդրադառնում հոգեբանական առողջության վրա։
