Հոլանդական PAL-V ընկերությունը վերջապես սկսում է իր Liberty թռչող մեքենայի արտադրությունը։ 2024 թվականին նրանք նախատեսում են թողարկել 499 000 եվրո արժողությամբ 90 նման սարք։ Այս մասին հայտնում է Autoevolution կայքը։
PAL-V Liberty-ն մշակվում է արդեն 15 տարի: Թռչող մեքենայի առաջին նախատիպը փորձարկվել է դեռ 2009 թվականին, իսկ նախաարտադրական մոդելը ներկայացվել է երեք տարի անց, հաղորդում է Focus-ը։
Այժմ նախագիծը վերջապես ավարտական գծում է, և նոյեմբերին Մյունխենում կբացվի առաջին PAL-V ցուցասրահը: Ավելի ուշ կհայտնվի ավելի մատչելի Liberty տարբերակը՝ 299.000 եվրոյով։ Գնորդները կհրավիրվեն թռիչքների դասընթացների, որտեղ նրանք կկարողանան անվճար ուսուցում անցնել և օդաչուի վկայական ստանալ։
PAL-V Liberty-ն համատեղում է մեքենայի և ուղղաթիռի կամ գիրոլանի (ռոտորներով և մղիչներով ինքնաթիռ) առանձնահատկությունները: Սա 4 մ երկարությամբ անիվների վրա երկտեղանի պարկուճ է, պատրաստված է կոմպոզիտային նյութերից, ուստի կշռում է 664 կգ։
Թռչող մեքենան հագեցված է ծալովի հիմնական և մղիչ պտուտակներով, Rotax շարժիչով եւ կունենա 200 ձիաուժ: Դա թույլ է տալիս օդում զարգացնել 180 կմ/ժ արագություն, բարձրանալ մինչև 3500 մ և հաղթահարել մինչև 500 կմ։ Թռիչքի համար բավական է ճանապարհի 200 մետրանոց հատվածը, բայց Լիբերթիի վայրէջքը ուղղահայաց է։
Ճանապարհային երթեւեկության համար նախատեսված է առանձին 100 ձիաուժ հզորությամբ շարժիչ։ Այն թույլ է տալիս 100 կմ/ժ արագություն զարգացնել 9 վայրկյանում և հասնել 170 կմ/ժ արագության։
