Հավերժ սիրո և երջանիկ հարաբերությունների գաղտնիքը պարզ ամենօրյա պրակտիկայի մեջ է, կարծում են ամերիկացի հետազոտող հոգեբաններ Ջոն և Ջուլի Գոթմանները: Daily Mail-ում հրապարակված հոդվածում նրանք բացահայտել են երջանկության բանաձևը:
Գոթմանները հետազոտություններ են անցկացրել 20 տարի, այդ ընթացքում ուսումնասիրել են ավելի քան 40 հազար զույգերի և գրել ավելի քան 40 գիրք սիրո և հարաբերությունների մասին։
Մասնագետները փորձում են հասկանալ, թե ինչն է դարձնում սերը կայուն, և ինչու որոշ սիրահարներ ապրում են երջանիկ, իսկ մյուսները բաժանվում են:
Մասնագետների կարծիքով՝ կարևոր են աննշան թվացող մանրուքները։ Օրինակ՝ բարի առավոտ և բարի գիշեր մաղթելը, զրույցի ընթացքում աչքի կոնտակտ պահպանելը և միմյանցից օգնություն խնդրելը։
Կարևոր է միմյանց նկատմամբ բարի վերաբերմունքը: Շնորհակալություն հայտնեք նախաճաշի, գնումների ժամանակ օգնության և ընթրիքից հետո ափսեները լվանալու համար:
Հոգեբաններն ուշադրություն են հրավիրել հպման կարևորության վրա: Ֆիզիկական կապի պահպանումը պակաս կարևոր չէ, քան էմոցիոնալ կապը:
