Տասը րոպեանոց կարճատև մարզումները մարմնին բերում են նույն օգուտները, ինչ լիարժեք վարժությունը, ասում է սննդաբան Մայքլ Մոսլին։ Նրա կարծիքը և այլ փորձագետների արձագանքները ֆիզիկական ակտիվության այս մոտեցման վերաբերյալ տեղ են գտել Daily Mirror-ի հոդվածում:
Մոսլին խորհուրդ է տվել օրական երեք մարզում կատարել՝ յուրաքանչյուրը տասը րոպե տևողությամբ: Նրա կարծիքով՝ այս մեթոդը հեշտացնում է ընտելանալ սպորտին և ժամանակի սղության պատճառով չհրաժարվել դրանից։
«Կարճ մարզումների զարմանալի հետևանքն այն է, որ դրանք ապահովում են նույն արդյունքը, գուցե նույնիսկ ավելի շատ օգուտներ կազմվածքի և առողջության համար, ինչ լիարժեք 30 րոպեանոց մարզանքը», – ասում է սննդաբանը:
Սպորտային բժիշկ Մարի Մերֆին նույնպես բարձր է գնահատել կարճ սեանսների առավելությունները: Նրա խոսքով՝ դրանք արագացնում են նյութափոխանակությունը, օգնում են նիհարել, նորմալացնում են գլյուկոզայի մակարդակը և արյան ճնշումը։
«Պարբերաբար մարզումները նույն օգուտն են բերում: Ֆրակցիոն սեանսները թույլ են տալիս օրական մի քանի անգամ ակտիվացնել նյութափոխանակությունը, ինչն ավելի նկատելի է դարձնում դրանց օգուտներն առողջության վրա»,- ավելացրել է Մերֆին:
Նա լավ պրակտիկա է համարել աշխատանքային օրվա ընթացքում հինգից տասը րոպեանոց սպորտային ընդմիջումներ կազմակերպելը:
Ֆիթնեսի մարզիչ Աֆթոն ՄաքՔիթն ավելացրել է, որ պետք չէ նույն վարժությունները կատարել ամբողջ օրվա ընթացքում։ Նա առաջարկել է, որ սովորական կքանիստի և ոլորումների փոխարեն երբեմն բարձրանալ աստիճաններով կամ ավելի հաճախ քայլել:
«Արագ ֆիթնես սեսիաները հիանալի միջոց են վարժությունների օգուտները ստանալու համար՝ առանց ձեզ ուժասպառ անելու կամ ձեր մարզավիճակը վտանգելու», – եզրափակել է ՄակՔիթը:
Ավելի վաղ ֆիթնեսի մարզիչ Օկսանա Պարֆենովան ասել էր, որ մարմնի ճարպի դեմ պայքարելու համար առաջին հերթին պետք է կարգավորել սննդակարգը՝ ընտրելով սպիտակուցների, ճարպերի և ածխաջրերի օրական անհատական հարաբերակցությունը։ Բացի դրանից, օգտակար կլինեն սրտային մարզումները, մկանների վարժությունները։
