Մի վիճիր նրանց հետ, ովքեր կասկածել չգիտեն։
Նույնիսկ երիտասարդությունն ունի պիտանելիության ժամկետ։
Առաջին սերը հազվադեպ է վերջինը լինում:
Մի խմիր ամբողջը միանգամից, ձգիր մինչև ութսուն:
Երբեք ուշ չէ երջանիկ լինելու համար։ Հիշիր, որ դու ինձ մոտ հայտնվեցիր, երբ ես քառասուն էի։
Նույնիսկ համատարած խավարի մեջ աստղերի անցքեր կան:
Ավելի լավ է սովորել, քան սովորեցնել։
Երբ կկրկնես իմ սխալները, գոնե արա դրանք ավելի էլեգանտ։
Քո օգտի համար ես չեմ գրում, թե ով է սպանել Լորա Փալմերին: Անպայման դիտիր:
Այն ամենը, ինչ մայրիկդ ասում է իմ մասին, ճիշտ է: Ես ինքս արդեն հավատում եմ նրան, ինչ նա ասում է իմ մասին:
Հետաքրքիր է, ինչպիսին կհիշես ինձ: Եթե քեզ համար միևնույնն է, ավելի լավ է այն կապույտ կոստյումով, դա ինձ սազում է։
Եթե հիշողություններիդ մեջ ինչ-որ դեմոտիվացնող բան փնթփնթամ, մտովի փակիր բերանս։ Թույլ եմ տալիս։
Եթե դու հանգիստ ես, չշփոթված, երբ շուրջբոլորը կորցնում են իրենց գլուխները: Սպասիր, կարծես թե արդեն ինչ-որ տեղ սա եղել է…
Մի վստահիր նիհար խոհարարին։
Պլանավորելիս տեղ թող հրաշքի համար։
Աղոթիր այնպես, ինչպես անտառն է աղոթում՝ դարավոր լռության մեջ բարձրացած ձեռքերի ճյուղերով:
Մի համեմատիր։ Ամեն դեպքում, Աստծուն նման երկրորդը պետք չէ։
Եթե պատրաստվում ես նվագել ինչ-որ մեկի հոգու լարերի վրա, չմոռանաս լվանալ ձեռքերդ։
Ամենավառ փաթեթավորման տակ սովորաբար ամենաանհամ կոնֆետներն են:
Հաճախ հերոսության մասին դատում են վախկոտները: Իսկ հերոսները մեռած պառկած են։
Ամենակարևորը սկսվում է այնտեղ, որտեղ ավարտվում են բառերը:
Անգամ ամենահանճարեղ նոտաներից հետո գալիս է լռությունը։
Սիրո գլխավոր մրցակիցը ոչ թե ատելությունն է, այլ ծուլությունը, իսկ կյանքի գլխավոր մրցակիցը մահը չէ, այլ վախը։
Անցիր երեկույթների կողքով, որտեղ պահում են բաժակը ճկույթը ցցած:
Եթե քեզ վրա բարձրանան, քաղաքավարի հարցրու՝ պատվանդանը չի՞ սեղմում։
Սովորիր կարեկցել: Սա ծանր գիտություն է: Վշտի մեջ գտնվող մարդուն պետք չէ նորոգել, նրան պետք է գրկել։
Գարունը հավերժ չէ։ Հավերժ է գարնան կանխազգացումը:
Երազանքերը գեղեցիկ են, քանի դեռ չեն կատարվել:
Երջանկությունը նկարվում է ջրաներկով, այլ ոչ թե յուղաներկով։
Եվ ինչպես ծեր ծաղրածուն ասաց երիտասարդ ծաղրածուին, վախեցիր չափազանց լուրջ մարդկանցից։
Օլեգ Բաթլուկ
