Netflix-ը հրապարակել է բրիտանական թագավորական ընտանիքի մասին պատմող «Թագը» սերիալի վեցերորդ սեզոնի նոր կադրերը։
Լուսանկարներից մեկում երևում են դերասաններ Էդ Մաքվին և Մեգ Բելլամին, ովքեր մարմնավորել են արքայազն Ուիլյամին և Քեյթ Միդլթոնին, երբ սովորում էին Սենտ Էնդրյուսի համալսարանում, 2001 թվականին։
«Էդը և Մեգը նկարահանվել են սերիալի նոր տեսարաններում Շոտլանդիայի Սենթ Էնդրյուս քաղաքում՝ վայելելով իրական կյանքի որոշ վայրեր, որտեղ իրենց հերոսները եղել են 20 տարի առաջ», – ասվում է Netflix-ի հայտարարության մեջ: Լյութեր Ֆորդը կմարմնավորի արքայազն Հարիին։ Նույն եթերաշրջանում երիտասարդ դերասաններ Ռուֆուս Կամպան և Ֆլին Էդվարդսը կխաղան համապատասխանաբար Ուիլյամի և Հարրիի դերերը։
Բրիտանական հեռուստատեսային հիթի նոր եթերաշրջանը կներկայացնի արքայադստեր և Ուելսի արքայազնի ռոմանտիկ հարաբերությունների սկիզբը, որը եղել է 2001 թվականին՝ Սենտ Էնդրյուս քոլեջում սովորելու ընթացքում:
«Թագը» սերիալի պրեմիերան կայացել է 2016 թվականին։ Նախագիծը պատմում է բրիտանական թագավորական ընտանիքի մասին, վեցերորդ սեզոնը կթողարկվի 2023 թվականի աշնանը։ Վեցերորդ երերաշրջանը կլինի վերջինը։
