Գրողի մասին
Ջիմ Բաթչերը սարսափ, ֆենթըզի, միստիկա և թրիլլեր ժանրերում ստեղծագործող հեղինակ է։ Նրա ամենահայտնի գործերն են «Դրեզդենի արխիվները» քաղաքային ֆենթըզի ցիկլը մասնավոր դետեկտիվ Հարրի Դրեզդենի արկածների մասին։ Ջիմ Բաթչերի մյուս գրքերն են՝ «Ալերայի կանոնագիրքը» ֆենթըզի ցիկլը և «Cinder Spires» սերիան:
Ջիմ Բաթչերն իրեն անվանում է Ռյուկյու կեմպո, Թեքվանդո, Գոձյու ռյու, Կունգ ֆու և այլ մարտարվեստների էնտուզիաստ. նա ուսումնասիրում է դրանք ավելի քան 15 տարի: Բացի այդ, Բաթչերը ձիասպորտի սիրահար է, սիրում է սուսերամարտ, երգել և «վատ գիտաֆանտաստիկ ֆիլմեր»:
Այժմ գրողն ապրում է Միսսուրիում՝ կնոջ, որդու և շան հետ։
Ջիմ Բաթչերի կենսագրությունը
Ջիմ Բաթչերը ծնվել է 1971 թվականին Միսսուրիում՝ դառնալով ընտանիքի երրորդ երեխան։ Դեռ մանուկ հասակում Ջիմը քույրերի հորդորով կարդացել է Թոլքինի վեպերը և «Աստղային պատերազմներ» ցիկլը՝ վերջնականորեն տարվելով ֆենթըզի և գիտաֆանտաստիկ գրականությամբ։ Դեռահաս տարիքում գրել է իր առաջին վեպը՝ որոշելով ապագայում դառնալ գրող։ Սակայն ճանապարհը փշոտ էր։
Դպրոցից հետո Ջիմը սկսեց սովորել Օկլահոմայի համալսարանում՝ ինժեների մասնագիտությամբ, հետո փոխեց մի քանի մասնագիտություն և ստացավ անգլիական գրականության բակալավրի աստիճան։ Ամուսնացավ մանկության ընկերոջ հետ, և շուտով զույգը որդի ունեցավ։ Ընտանիքը պետք է գոյատևեր, և Ջիմ Բաթչերն իրեն փորձեց տարբեր «կերպարներում»՝ յոգուրտ վաճառողից մինչև շրջիկ վաճառող: Ինչպես ինքն է խոստովանում՝ նա հմտությունների շտեմարան է, որոնք կարող էին օգտակար լինել մի քանի դար առաջ, բայց ոչ հիմա։
Բաթչերը մոլի խաղացող է, որը սիրում է սեղանի խաղերն այնքան, որքան տեսախաղերը: Նա առցանց տիրույթում հայտնի է Longshot մականունով, որն ընտրել է 1990-ականների սկզբին՝ համարելով այն բավականին հնչեղ։
«Դրեզդենի արխիվներ» շարքի հայտնվելը
Հեղինակը ցիկլի առաջին գիրքը գրել է 19 տարեկանում՝ դասընթացի ժամանակ։ Դետեկտիվ Հարրի Դրեզդենի պատմությունը, որն անսովոր ունակություններ ունի այլընտրանքային Չիկագոյի շրջապատում։ Վեպի գաղափարը հիմնված էր նրա սիրելի ստեղծագործությունների միախառնման վրա՝ Թոլքինի գրքերը, Անիտա Բլեյքի մասին Լորել Համիլթոնի վեպերը, «Բաֆֆի» հեռուստասերիալը և դետեկտիվ հեղինակներ Հեմեթի և Չենդլերի աշխատանքները: Գիրքը մեծ հաջողություն չունեցավ, և Ջիմը ժամանակավորապես անցավ գիտաֆանտաստիկ գրականությանը և ստեղծեց երեք վեպ «Գաղտնի նյութերի» նմանությամբ՝ իր գրելու հմտությունները հղկելու համար:
25 տարեկանում Ջիմը որոշեց փորձել հրատարակել իր վեպը, առաջարկեց ձեռագիրը տարբեր հրատարակիչների, բայց ամենուր մերժում ստացավ։ Այս ընթացքում Հարրի Դրեզդենի մասին ցիկլում հայտնվեց ևս երկու վեպ։
Հետևելով ընկերների խորհրդին՝ Ջիմը սկսեց կապեր փնտրել գործակալների հետ մասնագիտական միջոցառումների ժամանակ։ Եվ հանդիպեց մի գրական գործակալի, որը հայտնաբերել էր Լորել Համիլթոն գրողին։ Այսպես սկսվեցին նրա հաջողությունները գրական ասպարեզում։ «Շարունակեք փորձել, երբ ձեր կողքի տղան զզվանքով հեռանում է: Շարունակեք գրել, երբ ձեր կողքի աղջիկը լաց է լինում՝ իր ձեռագրերը նետելով կրակը: Շարունակեք գործել որպես պրոֆեսիոնալ, և կգտնվի մեկը, ով կտեսնի այն ձեր մեջ», – ասում է Ջիմ Բաթչերը:
«Փոթորիկ անդրաշխարհից» շարքի առաջին գիրքը լույս է տեսել 2000 թվականին, իսկ 2020 թվականին լույս է տեսել ցիկլի 17-րդ գիրքը, և հեղինակը շարունակում է աշխատել ստեղծագործության շուրջ։
Բաթչերի աշխատանքները հիմք են հանդիսացել «Դետեկտիվ Դրեզդեն. Գաղտնի նյութեր» սերիալի համար։
Ո՞վ է Հարրի Դրեզդենը
«Դրեզդենի արխիվները» քաղաքային նուար ֆենթըզի է՝ մոգությամբ, հետաքննությամբ, սարկազմով և հումորով լի:
Սյուժեի կենտրոնում գլխավոր հերոս Հարրի Բլեքսթոուն Կոպերֆիլդ Դրեզդենն է՝ իմպուլսիվ, խարիզմատիկ և հմայիչ հրաշագործ, Չիկագոյի կախարդական աշխարհի գլխավոր դեմքերից մեկը։
«Հարրին ամեն օրվա հերոս է: Ձեր ընկերասեր հրաշագործ հարևանը, միշտ պատրաստ օգնելու, թեև եսասիրական նպատակներ է հետապնդում: Չնայած նա անընդհատ փորձանքի մեջ է ընկնում՝ շատ թշնամիներ ունի, բայց չի դավաճանում իր սկզբունքներին։ Ընթերցողների մեծ մասը կասեր. «Այո: Ես նրան կհրավիրեի խորովածի, նա հիանալի է»։ Հենց սա է դարձնում նրան ճանաչելի»,- ասում է Բաթչերը:
Հերոս Ջիմ Բաթչերի մագնիսականությունը նրա պարզության մեջ է՝ սովորական մարդ՝ բոլորի նման խնդիրներով: Այո, նա ունի արտասովոր կախարդական ունակություններ, սակայն հազիվ է բնակարանի գումար հայթայթում, և նրա մեքենան ամեն օր փչանում է:
Ջիմ Բաթչերի այլ գրքեր
2004 թվականին լույս տեսավ «Կալդերոնի ֆուրիաները» ֆենթըզի վեպը, որը բացեց «Ալերայի կանոնագրքի» նոր ցիկլը մի աշխարհի մասին, որտեղ ժամանակին հայտնվել են տարբեր ռասաներ՝ դժվարությամբ գտնելով խաղաղ գոյակցության ճանապարհը։
Իսկ 2015 թվականին Ջիմ Բաթչերը հրատարակեց «The Aeronaut’s Windlass» վեպը:
Մեջբերումներ Ջիմ Բաթչերի գրքերից
– Մաղթում եմ հաջողություն։ Ինձ թվում է՝ լավ կլիներ, եթե մեր ճանապարհները հետագայում չխաչվեին։ Տանել չեմ կարողանում, երբ միջամտում են իմ գործերին:
– Վատ միտք չէ, – համաձայնեցի ես:
– Հոյակապ է։ Հաճելի է, երբ քեզ հասկանում են։
«Դրեզդենի արխիվները»
***
Երազիդ է գալիս անցյալ տարին, այնպես չէ՞: Այն, ինչ արեց քեզ հետ Կրավո՞սը:
Նա կծկվեց նրա անվան հիշատակումից, բայց գլխով արեց։
-Ինձ մոտ չի ստացվում դադարել մտածել այդ մասին: Չփորձել հասկանալ, թե ինչն եմ սխալ արել: Ինչո՞ւ նրան հաջողվեց հասնել ինձ։
Ասես ներսս այրած լինի։
«Դրեզդենի արխիվները»․ Ամառային ասպետ. Մահվան դեմքեր
***
-Իսկ դուք կարծում եք՝ ես պետք է օգնե՞մ նրան:
-Ես թքած ունեմ՝ դա դուք կլինեք, թե մեկ ուրիշը,- բռնկվեցի ես,- Ինձ համար կարևոր է, որ նրա մասին հոգ տանեն: Որոշե՛ք։
-Ես արդեն որոշել եմ։ Հիմա ձեր հերթն է։
Ես խորը շունչ քաշեցի.
– Այսի՞նքն։
-Այս այգին ընկած երկու մահկանացուներից, պարոն Դրեզդեն, ամենախոր վերքերն Էլեյնինը չեն: Այլ ձերը։
– Գրողը տանի, մի երկու կապտուկ և քերծվածք:
Նա նույնպես վեր կացավ և մոտեցավ ինձ:
-Ես նկատի ունեմ բոլորովին այլ վերքեր:
«Դրեզդենի արխիվները». Ամառային ասպետ. Մահվան դեմքեր
***
Յուրաքանչյուր ոգի, որը մարտից բարեհաջող տուն է դառնում, իր կյանքով պարտական է Հարրի Դրեզդենին և նրա քաջությանը:
«Դրեզդենի արխիվները». Մեղքի ապացույցներ. Սպիտակ գիշեր
