Xiaomi-ն թողարկել է MIUI 14 կայուն թարմացումը՝ հիմնված Android 13-ի վրա, Xiaomi 11T և Poco F4 սմարթֆոնների եվրոպական մոդելների համար։ Այդ մասին հայտնում է GSMArena պորտալը։
Նշվում է, որ Xiaomi 11T-ն թարմացվել է MIUI 14.0.3.0-ով, մինչդեռ Poco F4-ը ստացել է MIUI 14.0.2.0 լրացումը։ Երկու դեպքում էլ ֆայլը մոտ 3,5 ԳԲ է:
MIUI 14-ի կայուն թարմացումը ներկայում հասանելի է միայն Mi Pilot փորձարկողներին, ինչը խոսում է բոլոր օգտատերերի համար ամբողջական տարբերակի մոտալուտ թողարկման մասին:
Առանձին նշվում է, որ Xiaomi 11T-ի լրացումը թողարկվել է գլոբալ ձևափոխմամբ (MI), մինչդեռ MIUI 14-ի թողարկումը Poco F4-ի համար դեռևս սահմանափակված է եվրոպական տարբերակով (ԵՄ):
MIUI 14-ի և Android 13-ի հետ մեկտեղ Xiaomi 11T և Poco F4-ի սեփականատերերը ստացել են անվտանգության պատչեր:
