Gizchina պորտալի խմբագիրները կազմել են դեկտեմբեր ամսվա 120 հազար դրամից պակաս արժողությամբ սմարթֆոնների լավագույն հնգյակի ցուցակը։
Realme GT Neo2 ենթաֆլագմանը, որն աշխատում է Snapdragon 870 չիպով և 6,62 դյույմանոց 120 Հց AMOLED էկրանով, զբաղեցրել է առաջին տեղը։ Սմարթֆոնի հետևի մասում տեղադրված են երեք տեսախցիկներ՝ 64, 8 և 2 մեգապիքսել թույլատրությամբ։ 5000 մԱ/ժ հզորությամբ մարտկոցն ապահովում է 65 Վտ արագ լիցքավորում:
Երկրորդ տեղում էր նոր Redmi Note 12 Pro-ն։ Սմարթֆոնը ներկայում հասանելի է միայն չինական շուկայում։ Այն ստացել է նոր՝ MediaTek Dimensity 1080 չիպ, 6,67 դյույմանոց AMOLED էկրան՝ 120 Հց հաճախականությամբ։ Redmi Note 12 Pro-ն համալրված էր 50, 8 և 2 մեգապիքսելանոց երեք տեսախցիկներով, ինչպես նաև 5000 մԱժ մարտկոցով՝ 67 Վտ լիցքավորմամբ։
Լավագույն եռյակը եզրափակում է Poco M5s-ը՝ հիմնված MediaTek Helio G95 չիպսեթի վրա։ Բյուջետային սմարթֆոնը համալրված է 6,43 դյույմանոց AMOLED էկրանով և չորս տեսախցիկով՝ 64, 8, 2 և 2 ՄՊ թույլատրությամբ։ Սմարթֆոնը ստացել է 5000 մԱ/ժ մարտկոց՝ 33 վտ լիցքավորման աջակցությամբ։
Չորրորդ և հինգերորդ տեղերը զբաղեցրել են Vivo T2x-ը և Ulefone Armor 17 Pro-ը՝ պաշտպանիչ պատյանով։
