Լեռներ, հրաբուխներ և անապատներ` տարբեր երկրների լուսանկարիչների օբյեկտիվներում։
Natural Landscape Photography Awards-ի ժյուրին հայտարարել է 2022 թվականի հաղթողներին։ Մրցույթն ինքնին նոր է. այն առաջին անգամ անցկացվել է անցյալ տարի՝ բնանկարներով տարված չորս լուսանկարիչների ջանքերով։ Նրանք ցանկանում են ստեղծել հարթակ, ուր պրոֆեսիոնալներն ու սկսնակները կարող են արտահայտվել: VNews-ը ներկայացնում է այս տարվա լավագույն կադրերից մի քանիսը:
Տարվա լուսանկար
Այս անվանակարգում հաղթանակը կիսել են երկու ստեղծագործություններ. Առաջինն Իսլանդիայի Ռեյկյանես թերակղզու գործող հրաբխի լուսանկարն է: Թեև լուսանկարիչը գտնվել է մոտ 500 մետր հեռավորության վրա, միևնույնն է, զգացել է լավայի յուրաքանչյուր արտանետման ջերմային ալիքները:
Երկրորդը` Կանադայի Լոուել սառցադաշտի լուսանկարն է: Կլիմայի փոփոխության պատճառով այն հալվում է, ինչպես աշխարհի շատ այլ սառցադաշտեր: Ընթացքում սառույցի մակերեսն աստիճանաբար անհետանում է քարերի ու ցեխի շերտի տակ։
Տպավորիչ մասշտաբներ
Ալպյան լճերի անապատ (Վաշինգտոն նահանգում՝ Վայրիքս) կատարած ուղևորության ժամանակ լուսանկարիչը ցանկացել է ֆիքսել լճում գտնվող լեռների արտացոլանքը։ Բայց բարձրանալով գրեթե 1,5 կիլոմետր, հասկացել է, որ մառախուղի պատճառով դա չի հաջողվի. նույնիսկ սարերը չեն երևում։ Լուսադեմին, սակայն, մառախուղը վերջապես սկսել է նահանջել, և նախապես մտածած պատկերի փոխարեն ստացվել է այս մեկը՝ շեշտը դնելով ձյունապատ լեռների վրա։
Մեկուսի բնանկարներ
Լուսանկարն արվել է ձորի եզրից, այնպես, որ փոթորկված գետը կարծես փոխարինել է երկնքին, և ամբողջ պատկերը նման է 19-րդ դարի նկարի:
Աբստրակտ/դետալներ
Այս վերացական լուսանկարն արվել է օդից՝ Ավստրալիայի արևմուտքում գտնվող Շարք ծովածոցի վրայով թռչելիս։ Եթե ուշադիր նայեք, կարող եք տեսնել դեմք և ձեռք:
Հատուկ անվանակարգեր
Այս տարվա հատուկ ինը անվանակարգերի հաղթողները՝ ոչ պակաս հրապուրիչ լուսանկարներով։
Աերոլուսանկար
Անապատներ
Էկոլոգիա
Սառցե աշխարհներ
Լեռներ
Գիշերային բնանկարներ
Գետեր, լճեր և ջրվեժներ
Ծովանկարներ
Ծառեր, անտառներ և թավուտներ
