Ինչ պետք է անել հաջողակ և երջանիկ տարի ունենալու համար: Elle.ru-ն առաջարկում է 5 ամենաարդյունավետ կանոնները:
1. Կարգի բերեք տունը
Գալիք տարվա խորհրդանիշը Նապաստակն է՝ շատ մաքուր ու կոկիկ կենդանի։ Նապաստակը երբեք իրեն թույլ չի տա կեղտոտ մորթով ցատկել անտառով մեկ։ Ուստի կարևոր է հարգել չինական Նոր տարվա խորհրդանիշը և կատարելապես մաքրել տունը:
Համոզվեք, որ իրերը կոկիկ դասավորված են պահարաններում, մի թողեք փոշին դարակների վրա, մանրակրկիտ լվացեք սանտեխնիկան, կենցաղային տեխնիկան և սրբեք պատուհանագոգերը: Սա կարևոր է անել, նույնիսկ, եթե չեք պլանավորում Նոր տարին տանը նշել:
2. Զարդարեք տունը
Քանի որ սև նապաստակը անտառում ապրող վայրի կենդանի է, տունը պետք է զարդարել չոր ծաղիկներով, հասած ցորենի կամ տարեկանի փնջերով, թարմ ծաղիկներով։ Դուք կարող եք դեկորացիաներ պատրաստել սեփական ձեռքերով, օրինակ՝ հավաքեք կոներից ծաղկեպսակ: Ամանորյա սեղանի վրա նապաստակի արձանիկը նույնպես հաջողություն կբերի գալիք տարում. անպայման դրեք այն կենտրոնում:
3. Սեղանին ձկից պատրաստված ուտեստ դրեք
Նապաստակը սիրում է ձուկ ուտել, այնպես որ, կարող եք գոհացնել նրան հատուկ ուտեստով: Դա կարող է լինել հետևյալներից որևէ մեկը.
Ձկան ռուլետ
Ձկան կոտլետ
Սաղմոնի սթեյքներ
Խորոված ձուկ
4. Ընտրեք ճիշտ հագուստ
Նախընտրելի է կրել սև զգեստ. այն անպայման հաջողություն կգրավի գալիք տարում: Այնուամենայնիվ, կան տոնական հագուստի այլ տարբերակներ. խորհուրդ է տրվում կրել բաց կապույտ երանգի զգեստներ:
Ահա մի քանի գույներ, որոնք հաստատ պետք չէ ներառել ամանորյա հանդերձանքում՝ կարմիր, վառ դեղին և ոսկեգույն։
5. Երազանք պահեք
Ամանորի գիշերը դա անելու բազմաթիվ եղանակներ կան: Ռուսների շրջանում մեծ ժողովրդականություն է վայելում թուղթը այրելը, որի վրա գրված է ցանկություն: Այրելուց հետո մոխիրը պետք է լցնել շամպայնի մեջ և խմել այն, մինչ զանգերը հնչում են:
Պատրաստեց Անի Գաբուզյանը
168.am
