Samsung-ի բարձրագույն ղեկավարությունը հանդիպել է ընկերության մատակարարների հետ և քննարկել ծալվող սարքերի շուկայում տիրող իրավիճակը։ Այս մասին հայտնում է The Elec պորտալը։
Հարավկորեական հսկայի ներկայացուցիչները կիսվել են ապագայի իրենց կանխատեսմամբ՝ ասելով, որ Apple-ն այս շուկա դուրս կգա 2024 թվականից ոչ շուտ։ Միաժամանակ, ըստ Samsung-ի, Կուպերտինոյից ընկերության առաջին ծալովի սարքը կլինի ոչ թե iPhone սմարթֆոնը, այլ պլանշետը կամ նոութբուքը։
Այս կանխատեսումը համահունչ է CCS Insight վերլուծական ընկերության հոկտեմբերյան հայտարարությանը: Նրա փորձագետները վստահ են, որ երկու տարի անց Apple-ը կթողարկի ծալովի iPad՝ ի տարբերություն Samsung-ի, որը փորձարկումը սկսեց սմարթֆոններից ծալվող ձևի գործոնով:
«Այս պահին Apple-ի համար իմաստ չունի ծալվող iPhone կառուցել: Մենք հավատում ենք, որ նրանք կշրջանցեն այս միտումը և կփորձեն իրենց բախտը ծալովի iPad-ով»,- ասել է CCS Insight-ի վերլուծաբան Բեն Վուդը։
Սիրարփի Աղաբաբյան
168․am
