Կյանքն առանց սերիալների` կյանք չէ:
Առանձնացրել ենք նոյեմբերին սպասվող 10 հիմնական սերիալները՝ «Թագ»-ի հինգերորդ սեզոնից մինչև Թիմ Բարթոնի «Ուենսդեյ»-ը:
1. Թագը / The Crown, 5-րդ սեզոն
Netflix – նոյեմբերի 9
Բրիտանական թագավորական ընտանիքի կյանքի մասին պատմող սերիալի նոր եթերաշրջանը նվիրված է սկանդալային 1990-ականներին. Եղիսաբեթ II-ի երեխաները մեկը մյուսի հետևից ամուսնալուծվում են, Վինձորի ամրոցում հրդեհ է, իսկ երկրում՝ միապետության ճգնաժամ։ Դերասանական կազմը կրկին կփոխվի՝ Իմելդա Սթոնթոնը կխաղա Եղիսաբեթ 2-րդի դերը, Լեսլի Մենվիլը՝ նրա կրտսեր քրոջ՝ Մարգարեթի դերը, իսկ Ջոնաթան Փրայսը կմարմնավորի թագուհու ամուսնուն։ Արքայադուստր Դիանային կմարմնավորի Էլիզաբեթ Դեբիկին, իսկ արքայազն Չարլզին՝ Դոմինիկ Ուեսթը։
2. 1899, 1-ին սեզոն
Netflix – նոյեմբերի 17
1899 թվականին մի խումբ գաղթականներ Լոնդոնից նավարկում են Ամերիկա՝ ավելի լավ կյանք փնտրելու։ Օվկիանոսում նրանք հանդիպում են մի նավի, որը մի քանի ամիս համարվում էր անհետացած, իսկ խորհրդավոր ուղևորները սարսափելի գաղտնիք ունեն։ Սերիալում նկարահանվել են Անտոն Լեսերը, Անայրին Բարնարդը, Միգել Բերնարդոն, Էմիլի Բիչեմը և Մացեյ Մուսյալը: Ինչպես ծրագրել են հեղինակները, դերասանները խոսում են իրենց մայրենի լեզուներով՝ իսպաներեն, լեհերեն, դանիերեն և այլն:
3. Ուենսդեյ / Wednesday, 1-ին սեզոն
Netflix – նոյեմբերի 23
Թիմ Բարթոնի դեբյուտային սերիալը՝ հիմնված «Ադամսների ընտանիքը» կոմիքսների վրա։ Սերիալում տեղ են գտել Բարթոնի ֆիրմային միստիկ մթնոլորտի, սև հումորի և միայնակ կերպարների համար, որոնք դժվարությամբ են իրենց տեղը գտնում հասարակության մեջ: Ուենսդեյը (Ջեննա Օրտեգան)՝ Գոմեսի և Մորտիշա Ադամսների դուստրը, իր բարդ բնավորության պատճառով փոխել է ութ դպրոց և վերջապես հայտնվել է Nevermore ակադեմիայում, որտեղ սովորում են գերհզոր ունակություններով երեխաներ։ Այնտեղ աղջիկը պետք է ընդհանուր լեզու գտնի իր դասընկերների հետ, կանգնեցնի տեղի մոլագարին և բացահայտի ընտանեկան գաղտնիքը։ Նրա ծնողների դերերը կատարել են Քեթրին Զետա-Ջոնսը և Լուիս Գուսմանը։ Սերիալում կհայտնվի նաև Քրիստինա Ռիչին։
4. Լրտես ընկերների շրջանում / A Spy Among Friends, մինի-սերիալ
Britbox – նոյեմբերի 1-ից
Դրամատիկական սերիալ Քիմ Ֆիլբիի կյանքի մասին՝ MI6-ի իրական աշխատակցի, որը գաղտնի տեղեկություններ է փոխանցել խորհրդային հետախուզությանը 1930-60-ական թվականներին: 1963 թվականին, երբ Ֆիլբիին կասկածում են լրտեսության համար, նրա մտերիմ ընկերը՝ բրիտանական հետախուզության աշխատակից Նիկոլաս Էլիոթը, նախաձեռնում է դեմառդեմ հանդիպում նրա հետ՝ խոստովանություն կորզելու նպատակով։ Շոուն հիմնված է The Times-ի սյունակագիր Բեն Մակինթայրի համանուն գրքի վրա։ Սերիալի ռեժիսորը Նիք Մերֆին է:
5. Blockbuster, 1-ին սեզոն
Netflix – նոյեմբերի 3
Փեյմեն Բենցի և Դեյվիդ Կասպեի կատակերգությունն Ամերիկայում տեսահոլովակների վարձույթի վերջին խանութի աշխատակիցների մասին է, որոնք փորձում են փրկել անհետացող բիզնեսը, ֆիլմեր նկարահանել՝ երազելով դառնալ նոր Տարանտինո, և սիրահարվում են իրենց գործընկերներին։ Գլխավոր դերերում են Ռենդալ Փաքը, Թայլեր Ալվարեսը և Մելիսա Ֆումերոն:
6. Վտանգավոր կապեր / Dangerous Liaisons, 1-ին սեզոն
Starz – նոյեմբերի 6
Շոդերլո դե Լակլոյի դասական վեպի վերաիմաստավորումը, որի ռեժիսորն է Օլիվեր Բլեքբերնը: Երիտասարդ սիրահարները, որոնք ապրում են 18-րդ դարի փարիզյան ետնախորշերում, դավադրություններ և մանիպուլյացիա են անում միմյանց նկատմամբ և հասնում ֆրանսիական արիստոկրատիայի բարձունքներին: Գլխավոր հերոսներին մարմնավորել են Էլիս Էնգլերտը և Նիկոլաս Դենտոնը:
7. Անգլուհի / The English, 1-ին սեզոն
Amazon Prime Video – նոյեմբերի 11
1890 թվական․ Բրիտանուհի արիստոկրատ Կորնելիա Լոկը նախկին հետախույզի և Պաունի ժողովրդի ներկայացուցչի հետ միասին ճանապարհորդում է Վայրի Արևմուտքով` փնտրելով իր որդուն սպանողին: Վրեժի մասին վեսթերնի հեղինակը Հյուգո Բլիքն է, որը նկարահանել է «Էմմի»-ի առաջադրված Noble Woman-ը: Սերիալում նկարահանվել են նաև Թոբի Ջոնսը և Ռեյֆ Սփոլը։
8. Տալսայի թագավորը / Tulsa King, 1-ին սեզոն
Paramount+ – նոյեմբերի 13
Քրեական դրամա Սիլվեստր Ստալոնեի մասնակցությամբ, որը պատմում է Գեներալ մականունով նյույորքցի դատապարտված մաֆիոզի մասին: Երբ քառորդ դար անց նրան ազատ են արձակում, բոսը նրան ուղարկում է Տալսա, Օկլահոմա՝ այնտեղ հանցավոր ցանց կազմակերպելու համար։ Գեներալը ամենայն լրջությամբ է վերաբերվում գործին և սկսում է նոր հանցավոր կայսրություն ստեղծել։
9. Ֆլեյշմանը դժվարության մեջ / Fleishman Is in Trouble, 1-ին սեզոն
Hulu – նոյեմբերի 17
Ամուսնալուծված Թոբին փորձում է ակտիվ սեռական կյանքով ապրել, սակայն նախկին կնոջ՝ Ռեյչելի հանկարծակի անհետացումը փչացնում է նրա ծրագրերը։ Այժմ միջին տարիքի ճգնաժամի մեջ գտնվող տղամարդը ստիպված է միայնակ հոգ տանել երեխաների մասին, աշխատել և գուշակել, թե որտեղ է անհետացել Ռեյչելը: Սյուժեն հիմնված է ամերիկացի գրող և լրագրող Թեֆի Բրոդեսեր-Ակների գրքի վրա։ Սերիալում նկարահանվել են Լիզի Քափլանը, Քրիստիան Սլեյթերը, Ադամ Բրոուդին և Ջոշ Ռեդնորը։
10. Ինչ-որ մեկը / Seombadi, մինի-սերիալ
Netflix – նոյեմբերի 18
«Երաժշտական ալբոմ» մելոդրամայի ռեժիսոր Չոն Ջի Ուն իր դեբյուտը կունենա սերիալային ձևաչափում։ Նրա դետեկտիվ թրիլլերը կենտրոնանում է երկու ընկերուհիների վրա, որոնք հետաքննում են սպանություն՝ կապված նրանցից մեկի ստեղծած հավելվածի հետ: Աղջիկների ուշադրությունը գրավում է հմայիչ ու խորհրդավոր ճարտարապետը։
