Փքաբաճկոն
Ձմռանը նորաձեւության ոչ մի սիրահար չի կարող անտեսել փքաբաճկոնը։ 2022-ի ամենաունիվերսալ տարբերակը համարվում է միջին երկարության մոդելը, որը տեսողականորեն չի ծանրացնում կերպարը: Կարիք չկա վախենալ, որ նման փքաբաճկոնը լավ չի տաքացնի ցրտին. կարեւոր է տաք տաբատ ընտրելը։
Տաք վերարկու
Եթե, այնուամենայնիվ, ձմռանն ավելի կանացի տեսք ունենալ, ապա տաք վերարկուն չի «քանդի» էլեգանտ լուքը եւ թույլ չի տա ձեզ ցրտահարվել։ Խաղադրույք կատարեք ծավալուն մոդելների վրա, եւ ոչ, դրանք ձեզ տեսողականորեն ավելի փարթամ չեն դարձնի: Գլխավորն այն է, որ նման վերնահագուստը չհամադրեք երկարաճիտ կոշիկների բոտֆորտների հետ։
Տրիկոտաժե զգեստ
Միայն վերնահագուստը չէ, որ համարվում է ձմռան բազային հանդերձանք։ Մի մոռացեք զգեստների մասին, որոնք համեմում են կերպարը։ Ընտրեք ոչ միայն բազային տարբերակներ, այլեւ ավելի համարձակ լուծումներին ուշադրություն դարձրեք։ Օրինակ՝ բաց մեջքով կամ բացվածքներով զգեստ։
Կարդիգան
Եթե ցանկանում եք կրել ոճային տոպ, բայց եղանակը թույլ չի տալիս, ապա նման վիճահարույց իրավիճակներում կարդիգանը միշտ փրկում է։ Այս իրը շատ հարմարավետ է ամենօրյա հագուստի մեջ՝ անկաշկանդ կտրվածքի շնորհիվ: Պարզապես հիշեք, որ ոչ բոլոր մոդելները պետք է ներառվեն ձեր զգեստապահարանում՝ առանց կոճակների տարբերակները եւ չափազանց երկար կարդիգանները համարվում են անտեղի:
Տրիկոտաժե կոստյում
Դժվար է պատկերացնել ձմեռային զգեստապահարան առանց նման կոստյումի. այս դուետը մենք կարող ենք հանգիստ անվանել գիշերազգեստի այլընտրանք՝ միայն «քաղաքային» մեկնաբանությամբ։ Մի շփոթեք նման տաք հավաքածուն սպորտայինի հետ. ի վերջո, տրիկոտաժե կոստյումը շատ ավելի էլեգանտ տեսք ունի։ Ընտրեք ազատ մոդելներ, որոնք կերպարն ավելի հարմարավետ կդարձնեն։
Ուղիղ սվիտեր
Տաք սվիտերը ցուրտ սեզոնին զգեստապահարանի must-have-ն է: Կամա թե ակամա դա ասոցացվում է բուխարու մոտ հարմարավետ հավաքույթների հետ. էլ ի՞նչ է պետք ցրտաշունչ եղանակին: Բայց այն ոչ միայն օգնում է մեզ տաքանալ, այլեւ ոճային շեշտ է հաղորդում հանդերձանքին։ Ամենապրակտիկ լուծումը կլինի ուղիղ կտրվածքի, մինչեւ ազդրի կեսը հասնող տարբերակը, որը հավասարապես լավ տեսք կունենա ազատ ջինսերի, կարճ կիսաշրջազգեստների եւ զգեստների հետ:
