«La La Land»-ի ռեժիսոր Դեմիեն Շազելի նոր ֆիլմը՝ «Բաբելոն»-ը, ունի 3 ժամ 8 րոպե տևողություն:
Համացանցում են հայտնվել նոր կադրեր սպասվող ֆիլմից:
Ֆիլմի գործողությունները տեղի են ունենում 1920-ականների Հոլիվուդում, երբ կինոարդյունաբերությունը շրջադարձային փուլում է՝ անցում համրից դեպի հնչուն կինոյի: Սյուժեի կենտրոնում կլինի մի քանի դերասան, որոնց հաջողակ կարիերան վտանգի տակ է սանձարձակ ապրելակերպի և կրիմինալի պատճառով:
Paramount Pictures-ը գլխավոր դերակատարներ Մարգո Ռոբիին և Դիեգո Կալվային առաջադրում է «Օսկար»-ի՝ «Լավագույն դերասանուհի» և «Լավագույն դերասան» անվանակարգերում։ Բրեդ Փիթն առաջադրվել է «Երկրորդ պլանի լավագույն դերասան» անվանակարգում։ «Օսկար 2023»-ի կազմակերպիչները դեռ չեն ներկայացրել հավակնորդների ցուցակները։
Ֆիլմում նկարահանվել են նաև Թոբի Մագուայերը («Spider-Man»), Օլիվիա Ուայլդը («Race»), Սամարա Ուիվինգը («Ready or Not») և Էրիկ Ռոբերթսը («Runaway Train»):
«Բաբելոն»-ն ԱՄՆ-ի կինոթատրոններում կհայտնվի դեկտեմբերի 23-ին:
Ֆիլմի թրեյլերը՝
