Այս օրերին Նյու Յորքում ավարտվեց մոլորակի հարսանեկան նորաձեւության ամենահեղինակավոր շաբաթներից մեկը, որին մասնակցում էին միայն բարձրակարգ լյուքս բրենդները։ Միջոցառման մշտական հեդլայներներից մեկը Elie Saab-ն է. բացի սովորական և շքեղ կուտյուր հավաքածուից, բրենդը թողարկում է նաև հատուկ շարք հարսնացուների համար:
Ամեն տարվա գլխավոր շեշտադրումը բարակ ժանյակն ու «բազմաշերտ» շղարշն են եղել։ Սակայն 2023 թվականի աշնանային սեզոնին լիբանանցի դիզայների հավաքածուում հայտնվեց միանգամայն անսպասելի ծաղկային մոտիվ։ Եվ հետաքրքրական է, որ դասական վարդերի կամ պիոնների փոխարեն զգեստները զարդարված են դափնու տերևներով:
Պատրաստեց Անի Գաբուզյանը
